Ontario மாகாணத்தில் வசிக்கும் 55 வயதுக்கு மேற்பட்ட முதியோர்களிடம் Opioid போதைப்பொருள் பயன்பாடு குறைபாடு பாதிப்பு 2017-ஆம் ஆண்டிலிருந்து தற்போது இரட்டிப்பாக அதிகரித்துள்ளது.
புதிய ஆய்வு ஒன்றில் இந்த தகவல் தெரியவந்துள்ளது.
Toronto St. Michael மருத்துவமனையைச் சேர்ந்த Ontario மருந்து கொள்கை ஆராய்ச்சி அமைப்பு (ODPRN) வெளியிட்டுள்ள 43 பக்க அறிக்கையில் இந்த அதிர்ச்சியூட்டும் தகவல்கள் இடம்பெற்றுள்ளன.
Ontario-வில் Opioid போதைப்பொருள் பாதிப்புடன் சுகாதார அமைப்பை நாடிய 55 வயதுக்கு மேற்பட்ட முதியவர்களின் எண்ணிக்கை, 2017-ல் 7,116 ஆக இருந்த நிலையில், 2025 இறுதிக்குள் 15,231 ஆக உயர்ந்துள்ளது.
இது Ontario மாகாணத்தில் உள்ள 350 முதியவர்களில் ஒருவருக்கு இந்த பாதிப்பு இருப்பதைக் காட்டுகிறது.
கடந்த 2023, 2024 -ஆம் ஆண்டுகளில் மட்டும் Ontario-வில் 1,087 முதியவர்கள் Opioid நச்சுத்தன்மையால் உயிரிழந்துள்ளனர்.
இது சராசரியாக ஒரு நாளுக்கு ஒரு முதியவரின் மரணமாகும்.
இந்த போதைப்பொருள் மரணங்களில் 75 சதவீதம் வரையிலான மரணங்கள் 55 முதல் 64 வயதுக்குட்பட்ட நபர்களுக்கே நிகழ்ந்துள்ளன.
