கனடிய எல்லை சேவைகள் நிறுவனம் (CBSA) தனது தேசிய தலைமையகத்தில் பதவிகளைக் குறைக்கிறது.
2029-ஆம் ஆண்டுக்குள் 28 ஆயிரம் பணியிடங்களை குறைக்கும் மத்திய அரசின் திட்டத்தின் ஒரு பகுதியாக இந்த நகர்வு முன்னெடுக்கப்படுகிறது.
Ottawa-வில் உள்ள தலைமையகத்தில் பணிபுரியும் 348 பேரை பதவி நீக்க CBSA முடிவு செய்துள்ளது.
இரண்டு சதவீத வரவு செலவுத் திட்டக் குறைப்பை அமுல்படுத்தும் வகையில் இந்த நகர்வு முன்னெடுக்கப்படுவதாக தெரிவிக்கப்படுகிறது.
பதவி நீக்கம் செய்யப்படுவர்களில் நிர்வாகிகளும், நிர்வாகிகள் அல்லாதவர்களும் அடங்குவதாக தெரியவருகிறது.
CBSA-வில் உள்ள 400-க்கும் மேற்பட்ட தமது உறுப்பினர்களுக்கு கடந்த வாரம் வேலை இழக்க நேரிடும் அறிவித்தல்கள் வழங்கப்பட்டதாக கனடிய பொது சேவை கூட்டணி (PSAC) கூறியது.
