York பிராந்திய கல்விச் சபை உறுப்பினர் பதவிக்கு தமிழரான ருக்சன் பரா போட்டியிடுகிறார்.
York பிராந்தியத்தின் 5&7 வட்டார கல்வி சபை உறுப்பினர் பதவிக்கு ருக்சன் பரா போட்டியிடுகிறார்.
இவர் முன்னரும் கல்வி சபை உறுப்பினர் பதவிக்கு தேர்தலில் போட்டியிட்ட அனுபவம் கொண்டவர்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் கடந்த May மாதம் அதிகாரபூர்வமாக ஆரம்பித்தது.
கல்விச் சபை உறுப்பினர் உட்பட பல்வேறு பதவிகளுக்கான தேர்தல் Ontario மாகாணத்தில் October 26-ஆம் திகதி நடைபெறுகிறது.
இதில் York பிராந்தியத்தின் கல்விச் சபை உறுப்பினர் பதவிக்கு ருக்சன் பரா வேட்புமனு தாக்கல் செய்துள்ளார்.
இதுவரை இந்தத் தொகுதியில் நான்கு வேட்பாளர்கள் வேட்புமனு தாக்கல் செய்துள்ளனர்.
இவர்களில் மூவர் தமிழர்களாவார்கள்.
இந்தப் பதவியில் Michael Chen இப்போது உள்ளார்.
அவர் மீண்டும் இந்தத் தேர்தலில் போட்டியிட வேட்புமனு தாக்கல் செய்துள்ளார் என்பது இங்கு குறிப்பிடத்தக்கது.
