Donald Trump நிர்வாகத்துடன் கனடா ஒரு இடைக்கால வர்த்தக ஒப்பந்தத்தை எட்ட வேண்டும் என அமெரிக்காவின் மூத்த மேலவை உறுப்பினர் தெரிவித்தார்.
அமெரிக்க ஜனாதிபதி Donald Trump நிர்வாகத்துடன் கனடா தற்போது ஒரு இடைக்கால வர்த்தக ஒப்பந்தத்தை எட்டுவதே சிறந்தது என ஜனநாயகக் கட்சியின் மேலவை உறுப்பினர் Chris Coons வலியுறுத்தினார்.
அடுத்து ஆண்டின் ஆரம்பத்தில் பதவியேற்கவுள்ள புதிய அமெரிக்க Congress நீண்டகாலத்திற்கு சிறந்ததொரு ஒப்பந்தத்தைச் சட்டமாக்கி தரும் எனவும் Chris Coons நம்பிக்கை தெரிவித்துள்ளார்.
Halifax சர்வதேசப் பாதுகாப்பு மாநாட்டில் பங்கேற்க வந்துள்ள Delaware மேலவை உறுப்பினர் Chris Coons கனடிய தொலைக்காட்சிக்கு அளித்த பேட்டியில் இந்த முக்கியக் கருத்துக்களை பகிர்ந்துள்ளார்.
தேசிய பாதுகாப்பு அச்சுறுத்தல்களை காரணம் காட்டி கனடிய இறக்குமதிகள் மீதான வரிகளை விதித்துத் தொடர்வது கனடாவுக்கு இழைக்கப்படும் ஒரு அவமானம் என் கூறிய அவர், அவை நிச்சயம் நீக்கப்பட வேண்டும் எனவும் வலியுறுத்தினார்.
அமெரிக்க இடைக்காலத் தேர்தலில் குடியரசுக் கட்சி படுதோல்வி அடைந்ததைத் தொடர்ந்து, வரும் January மாதம் மேலவை, பிரதிநிதிகள் சபையின் அதிகாரத்தை ஜனநாயகக் கட்சி ஏற்கவுள்ளது.
இருப்பினும், அனைத்து ஜனநாயகக் கட்சியினரும் வரிகளை முழுமையாக நீக்க ஆதரவளிக்க மாட்டார்கள் என்பதை மேல்சபை உறுப்பினர் Chris Coons ஒப்புக் கொண்டுள்ளார்.
