Taste of the Danforth வீதி நிகழ்வு இரண்டு ஆண்டு இடைவெளிக்குப் பின்னர் இம்முறை நடைபெறுகிறது.
எதிர்வரும் வார விடுமுறையில் இந்த வீதி நிகழ்வு நடைபெற ஏற்பாடாகியுள்ளது.
Taste of the Danforth 2026 நிகழ்வானது வெள்ளிக்கிழமை (07) ஆரம்பமாகி ஞாயிற்றுக்கிழமை (09) வரை நடைபெறுகிறது.
Toronto-வில் உள்ள Danforth வீதியில், Broadview வீதி முதல் Jones வீதி வரை இந்த நிகழ்வு நடைபெறுகிறது.
இந்த நிகழ்வுக்காக விரிவாக்கப்பட்ட பொழுதுபோக்கு நிகழ்ச்சிகள் பட்டியலை ஏற்பாட்டாளர்கள் வெளியிட்டனர்.
இதில் நான்கு மேடைகளில் நூற்றுக்கும் மேற்பட்ட கலைஞர்கள் பொழுதுபோக்கு நிகழ்ச்சிகளின் பங்கேற்கின்றனர்.
நூறுக்கும் மேற்பட்ட உணவகங்கள், நிறுவனங்கள் 25-க்கும் மேற்பட்ட சர்வதேச உணவுகளை விற்பனை செய்கின்றனர்.
இந்த நிகழ்வைக் குறிக்கும் வகையில், சனி மாலை CN Tower நீல. வெள்ளை நிறங்களில் ஒளிரூட்டப்படும் எனவும் ஏற்பாட்டாளர்கள் தெரிவித்தனர்.
2024, 2025 ஆகிய ஆண்டுகளில் இரத்து செய்யப்பட்டதை தொடர்ந்து, 2023-க்குப் பின்னர் முதல் முறையாக இந்த வார இறுதியில் Taste of the Danforth வீதித் திருவிழா நடைபெறுகிறது.
இந்த நிகழ்ச்சிக்கு நிதியளிக்க தேவைப்படும் முன்மொழியப்பட்ட வரி உயர்வுக்கு, Danforth வணிக மேம்பாட்டு பகுதியில் உள்ள Greektown உறுப்பினர்கள் வாக்களித்ததைத் தொடர்ந்து, 2024-ஆம் ஆண்டு வீதி விழா இரத்து செய்யப்பட்டது.
தொடர்ந்து 2025-ஆம் ஆண்டுக்கான நிகழ்வும் இரத்து செய்யப்பட்டது.
அதைத் தொடர்ந்து நடத்த வேண்டாம் என ஏற்பாட்டாளர்கள் முடிவெடுத்ததாக Toronto நகரம் தெரிவித்தது.
இவ்விழாவை மீண்டும் உயிர்ப்பிக்கவும், 2026-இல் அது மீண்டும் நடைபெறுவதை ஆதரிக்கவும் Toronto நகர நிர்வாகமும் Ontario மாகாண அரசாங்கமும் தலா $200,000 வரை இந்த ஆண்டின் June மாதத்தில் ஒதுக்கீடு செய்தன.
இம்முறை மூன்று நாட்கள் நடைபெறும் இந்த வீதித் திருவிழாவில், இந்த ஆண்டு சுமார் 15 லட்சம் பார்வையாளர்கள் பார்வையாளர்கள் பங்கேற்பார்கள் என எதிர்பார்ப்பதாக ஏற்பாட்டாளர்கள் தெரிவித்தனர்.
Taste of the Danforth நிகழ்வு வெள்ளி மாலை 6 மணி முதல் நள்ளிரவு வரையிலும், சனிக்கிழமை (08) நண்பகல் முதல் நள்ளிரவு வரையிலும், ஞாயிறு நண்பகல் முதல் இரவு 10 மணி வரையிலும் நடைபெறும்.
Taste of the Danforth கனடாவின் மிகப்பெரிய தெருத் திருவிழாவாகும்.
