CTV செய்தியின் முன்னாள் முதன்மை தொகுப்பாளர் Lloyd Robertson காலமானார்.
92 வயதான கனடிய ஊடகவியலாளர் Lloyd Robertson காலமானார்.
மூத்த ஒலிபரப்பாளரான அவர் செவ்வாய்க்கிழமை (04) மாலை காலமானார் என அவரது குடும்பத்தினர் தெரிவித்தனர்.
அவரது ஆறு தசாப்தங்களுக்கும் மேலான ஒளி/ஒலிபரப்பு பணி 1952-ஆம் ஆண்டில் அவரது சொந்த ஊரான Ontario மாகாணத்தின் Stratford நகரில் உள்ள ஒரு உள்ளூர் வானொலி நிலையத்தில் ஆரம்பித்தது.
1956-இல் CBC தொலைக்காட்சியின் மூலம் தனது தேசிய தொலைக்காட்சி அறிமுகத்தை Lloyd Robertson மேற்கொண்டார்.
1976-இல் CTV நிறுவனத்திற்கு மாற்றம் பெற்ற அவர் CTV National News இணைத் தொகுப்பாளரானார்.
1984-இல் CTV News இணைத் தொகுப்பாளர் ஓய்வு பெற்றபோது, Lloyd Robertson அந்த இரவு நேரச் செய்தி நிகழ்ச்சியின் பொறுப்பை ஏற்றுக்கொண்டார்.
அவர் ஓய்வு பெறும் 2011 வரை CTV National News தலைமை தொகுப்பாளராகவும் மூத்த செய்தி ஆசிரியராகவும் இருந்து வழிநடத்தினார்.
நீண்ட காலம் இந்தப் பதவியில் பணியாற்றியது, தன்னம்பிக்கையில் கனடா வளர்ந்து வருவதை பார்ப்பது மிகவும் ஈர்க்க கூடியதாக இருந்தது என செய்தி வாசிப்பாளராக தனது இறுதி நிகழ்ச்சியில் Lloyd Robertson கூறி இருந்தார்..
அவரது மறைவுக்கு அரசியல் தலைவர்கள் பலரும் இரங்கல் தெரிவித்து வருகின்றனர்.
Lloyd Robertson சாதனைகளை பிரதமர் Mark Carney தனது சமூக ஊடக இரங்கலில் நினைவு கூர்ந்தார்.
