அமெரிக்காவுடனான புதிய பதற்றங்கள் மத்தியில் கனடா-அமெரிக்க வர்த்தக அமைச்சர் Washington பயணமானார்.
இது கடந்த இரண்டு வாரங்களில் அமைச்சர் Dominic LeBlanc அமெரிக்க தலைநகருக்கு மேற்கொள்ளும் இரண்டாவது பயணமாகும்.
அமெரிக்காவுடனான நீண்ட கால வர்த்தக போர், அமெரிக்க ஜனாதிபதி Donald Trump மீண்டும் விடுத்துள்ள வரி தொடர்பான அச்சுறுத்தல்களுக்கு மத்தியில் இந்த பயணம் முன்னெடுக்கப்படுகிறது.
இந்தப் பயணத்தில் கனடாவின் தலைமை பேச்சுவார்த்தையாளர் Janice Charette அமைச்சருடன் இணைந்துள்ளார்.
வர்த்தகம் தொடர்பான தொடர் சந்திப்புகளில் பங்கேற்பதற்காக அவர்கள் இருவரும் Washington பயணமாகி உள்ளதாக அமைச்சர் Dominic LeBlanc அலுவலகத்தின் பேச்சாளர் கூறினார்.
இவர்கள் இருவரும் கடந்த வாரமும் அமெரிக்கத் தலைநகர் சென்றிருந்தனர்.
கடந்த மாத இறுதியில் சில கனடியப் பொருட்கள் மீது 50 சதவீத புதிய வரியை விதிக்கும் நிர்வாக உத்தரவில் அமெரிக்க ஜனாதிபதி கையெழுத்திட்ட நிலையில் இந்த பயணங்கள் முக்கியத்துவம் பெறுகின்றன.
