பிரதமர் Mark Carney-யின் புதிய அமைச்சரவையில் பாதிக்கும் மேல் புதிய முகங்கள் எதிர்பார்க்கப்படுகிறது.
புதிய அமைச்சரவை செவ்வாய்கிழமை (13) காலை Rideau Hall-லில் பதவியேற்கவுள்ளது.
இதில் பாதிக்கும் அதிகமானவர்கள் புதிய முகங்களாக இருக்கும் எனவும் நீண்ட கால அமைச்சர் Chrystia Freeland அமைச்சர் பதவியை பெற மாட்டார் எனவும் தெரியவருகிறது.
அமைச்சர்களின் அடிப்படை பட்டியல் 30 பேருக்கு குறைவாக இருக்கும் என எதிர்பார்க்கப்படுகிறது.
பிரதமர் 10 மாநில செயலாளர்களை நியமிப்பார் எனவும் தெரியவருகிறது.
இதன் மூலம் Mark Carney-யின் மைய குழு பரந்த அளவிலான பல முக்கிய செயல்பாடுகளில் முன்னணி வகிக்கும் எனவும், மாநிலச் செயலாளர்கள் குறிப்பிட்ட கோப்புகளை கையாளுவதற்கு பயன்படுத்தப்படலாம் எனவும் எதிர்வு கூறப்படுகிறது.
நீண்ட கால அமைச்சர் Chrystia Freeland அமைச்சு பதவிகள் எதையும் பெற மாட்டார் எனவும், முன்னாள் Vancouver நகர முதல்வர் Gregor Robertson, முன்னாள் Quebec மாகாணசபை உறுப்பினர் Carlos Leitao, Tim Hodgson ஆகியோர் அமைச்சர் பதவிகளை பெறுவார்கள் எனவும் தெரியவருகிறது.
அமைச்சர் பதவிக்கான இரண்டு நிலை நியமனம், சீரான முடிவுகளுக்கான Mark Carney-யின் குறிக்கோளின் ஒரு பகுதியாகும் என கூறப்படுகிறது.
முன்னாள் ஒலிபரப்பாளர் Evan Solomon, முன்னாள் IBM கனடா தலைமை செயல் அதிகாரி Claude Guay ஆகியோரும் அமைச்சர் பதவிகளை பெறுவார்கள் என எதிர்பார்க்கப்படுகிறது.
தனது புதிய அமைச்சரவையில் பாலின சமத்துவத்தை உறுதிப்படுத்த Mark Carney உறுதியளித்துள்ளார் என்பது குறிப்பிடத்தக்கது.
