அடுத்த வாரம் வெளியாகும் மத்திய வரவு செலவுத் திட்டத்தில் உள்ளடக்கப்படவுள்ள விடயங்கள் குறித்த தகவல்கள் வெளியாக ஆரம்பித்துள்ளது.
பிரதமர் Mark Carney அரசின் முதலாவது வரவு செலவுத் திட்டம் எதிர்வரும் செவ்வாய்க்கிழமை (04) வெளியாகிறது.
இதில் Pride நிகழ்வுகளில் பாதுகாப்பு உட்பட பாலின அடிப்படையிலான வன்முறை ஆதரவுத் திட்டத்துக்கான புதிய நீண்ட கால நிதி ஒதுக்கீடும் அடங்குகின்றது.
நிதியமைச்சர் Francois-Philippe Champagne, பெண்கள்-பாலின சமத்துவ அமைச்சர் Rechie Valdez ஆகியோர் புதிய வரவு செலவுத் திட்டத்தில் உள்ளடக்கப்படவுள்ள புதிய செலவீனங்கள் சிலவற்றை வெளியிட்டனர்.
“சமத்துவம், பாதுகாப்பை நோக்கிய நிலையான முன்னேற்றத்தை உறுதி செய்யும்” முயற்சியாக, அடுத்த வரவு செலவுத் திட்டத்தில் கனடாவில் உள்ள LGBTQ2S+ சமூகத்தை ஆதரிக்கும் வகையில் அடுத்த ஐந்து ஆண்டுகளில் $54.6 மில்லியன் ஒதுக்கப்படும் என அமைச்சர்கள் தெரிவித்தனர்.
