கனடிய பிரதமர் Mark Carney ஐரோப்பாவிற்கு பயணமாகிறார்.
அமெரிக்காவுடனான வர்த்தகப் போருக்கு மத்தியில், மாற்றுப் பொருளாதார வழிகளைப் பாதுகாப்பதற்காகப் பிரதமர் இந்த ஐரோப்பிய பயணத்தை முன்னெடுக்கிறார்.
இந்த வாரம் ஐரோப்பிய நாடாளுமன்றத்தில் உரை நிகழ்த்த பிரதமர் இந்தப் பயணத்தை மேற்கொள்கிறார்.
இந்த பயணத்தின் ஆரம்பத்தின் முன்னர் செய்தியாளர்களிடம் பேசிய Mark Carney, ஐரோப்பிய ஒன்றியத்துடன் (EU) ஒரு தனித்துவமான கூட்டாண்மை குறித்துக் கனடா பேச்சுவார்த்தை நடத்தி வருவதாக தெரிவித்தார்.
ஐரோப்பாவிற்கு செல்லும் கனடியர்களுக்கான ஐரோப்பிய ஒன்றிய visa விதிகளில் மாற்றம் சாத்தியம் எனவும் பிரதமர் கூறினார்.
கனடா முதலீட்டு மாநாட்டின் இரண்டாம் நாள் நிகழ்வுகளுக்கு மத்தியில் செவ்வாய்கிழமை (15) ஆரம்பிக்கும் பிரதமரின் இந்த ஐரோப்பியப் பயணம் மிக முக்கியப் புவிசார் அரசியல் நகர்வாக நோக்கப்படுகிறது.
ஐரோப்பிய நாடாளுமன்ற உரையைத் தொடர்ந்து, Mark Carney பிரிட்டனின் புதிய பிரதமராக பொறுப்பேற்றுள்ள Andy Burnham-மை நேரில் சந்தித்துப் பேசவுள்ளார்.
அமெரிக்காவுடனான வர்த்தக தடைகளால் ஏற்பட்டுள்ள பொருளாதார பாதிப்புகள் சமாளிக்க, Atlantic கடந்த வர்த்தக உறவுகளை வலுப்படுத்துவதில் இந்தச் சந்திப்பு மிக முக்கிய பங்களிப்பை வழங்கும் என எதிர்ப்பார்க்கப்படுகிறது.
