கனடாவுக்குள் இறக்குமதியாகும் பொருட்களுக்கு இனி எந்தவிதமான சுங்கவரிகள் விதிக்கப்படாது என அமெரிக்க ஜனாதிபதி தெரிவித்தார்.
கனடியப் பொருட்கள் மீதான தனது புதிய இறக்குமதி வரி கட்டண விதிப்புக்கான காலக்கெடுவை அமெரிக்க ஜனாதிபதி Donald Trump நீடித்தார்.
இரு நாடுகளுக்கும் இடையே ஒரு தற்காலிக ஒப்பந்தம் எட்டப்பட்டதாக கூறியதைத் தொடர்ந்து Donald Trump இந்த அறிவிப்பை செவ்வாய்கிழமை (18) பின்னிரவு வெளியிட்டார்.
ஆனால் கனடிய பிரதமர் Mark Carney வெளியிட்ட அறிக்கையில் எந்த ஒரு ஒப்பந்தமும் குறிப்பிடப்படவில்லை.
இந்த நிலையில் “கனடாவுக்குள் செல்லும் பொருட்களுக்கு இனி எங்களுக்கு எந்தவிதமான சுங்கவரிகளும் இல்லை,” என Donald Trump புதன்கிழமை (19) கூறினார்.
கனடிய வாகனங்கள் மீது விதிக்கப்படும் சுங்க வரிகளில் எதையேனும் நீக்க அமெரிக்கா திட்டமிட்டுள்ளதா என செய்தியாளர்கள் கேள்வி எழுப்பியபோது, ”நாங்கள் அதைச் சற்று குறைக்கிறோம்” என Donald Trump குறிப்பிட்டார்.
கனடாவுடனான புதிய ஒப்பந்தம் “இரு தரப்பினருக்கும் மிகவும் நல்ல ஒப்பந்தம்” எனவும் Washington மாநிலத்தில் செய்தியாளர்களிடம் Donald Trump தெரிவித்தார்.
இந்த நிலையில் இரு நாடுகளின் வர்த்தக பிரதிநிதிகளும் புதனன்று மீண்டும் சந்திக்க ஏற்பாடாகியுள்ளது.
கனடா-அமெரிக்க வர்த்தக அமைச்சர் Dominic LeBlanc, தலைமை பேச்சுவார்த்தையாளர் Janice Charrette ஆகியோர், அமெரிக்க வர்த்தக பிரதிநிதி Jamieson Greer-ரை அவரது அலுவலகத்தில் சந்திக்கின்றனர்.
