July மாதத்தில் பணவீக்கம் அதிகரித்தது.
எரிபொருள் விலை மீண்டும் உயர்ந்ததால் பணவீக்கம் 3 சதவீதம் வரை அதிகரித்தது.
July மாதத்தில் எரிபொருள் விலையில் ஏற்பட்ட மீட்சி, கடந்த மாதம் வருடாந்த பணவீக்க விகிதத்தை மூன்று சதவீதமாக அதிகரித்தது.
கனடிய புள்ளிவிவரத் திணைக்களம் திங்கட்கிழமை (17) வெளியிட்ட அறிக்கையில் இந்தத் தகவலை வெளியிட்டது
June மாதத்தில் பணவீக்கம் 2.8 சதவீதமாக குறைந்திருந்த நிலையில், July மாதத்தில் நுகர்வோர் விலைக் குறியீட்டில் அதிகரிப்பு ஏற்பட்டுள்ளது.
திங்களன்று வெளியிடப்பட்ட புள்ளிவிவரங்களுக்கு முன்னதாக, பணவீக்கம் சற்று அதிகரித்து 2.9 சதவீதத்தை எட்டும் என பெரும்பாலான பொருளாதார நிபுணர்கள் எதிர்பார்த்திருந்தனர்.
நுகர்வோர் விலைக் குறியீட்டில் ஏற்பட்ட மாற்றங்களுக்கு, எரிபொருள் விலையில் நிலவிய ஏற்ற இறக்கமே மீண்டும் காரணமாக அமைந்தது.
எரிபொருள் விலையைத் தவிர்த்துப் பார்க்கையில், நுகர்வோர் விலைக் குறியீடு July மாதத்தில் தொடர்ந்து மூன்றாவது மாதமாக 2.2 சதவீதம் உயர்ந்ததாக புள்ளிவிபரத் திணைக்களம் தெரிவித்துள்ளது.
September 2-ஆம் திகதி அறிவிக்கப்படவுள்ள வட்டி விகிதம் குறித்த அடுத்த முடிவுக்கு முன்னதாக, விலை நிலவரம் தொடர்பான தரவுகளை கனடிய மத்திய வங்கி ஆய்வு செய்யும் இறுதி தருணமாக July மாத பணவீக்க புள்ளிவிவரங்கள் அமைகின்றன.
