CUSMA எனப்படும் கனடா-அமெரிக்கா-Mexico வர்த்தக ஒப்பந்தம் செயலிழந்தால், கனடாவில் இலட்சக்கணக்கான வேலை வாய்ப்புகள் இழக்கப்படும் அபாயம் தோன்றியுள்ளது.
இதன் மூலம் ஒரு trillion டொலர் மதிப்பிலான இழப்பு ஏற்படக்கூடும் சாத்தியக்கூறு உள்ளது.
கனடா-அமெரிக்கா-Mexico இடையிலான வர்த்தக ஒப்பந்தம் (CUSMA ) முறிந்தால், கனடா 1,02,000 வேலை வாய்ப்புகளை இழக்க நேரிடலாம் என புதிய அறிக்கை ஒன்று எச்சரிக்கிறது.
கனடிய-அமெரிக்க வணிக குழுமத்திற்கு இந்த அறிக்கை தயாரிக்கப்பட்டது.
CUSMA ஒப்பந்தத்தை இரத்து செய்வது உள்ளிட்ட பல்வேறு சூழல்களில் ஏற்படக்கூடிய பொருளாதார விளைவுகளை இந்த அறிக்கை ஆய்வு செய்தது.
இந்த வேலைகளில் பல, சுங்க வரிகளால் நேரடியாகப் பாதிக்கப்படும் உற்பத்தித் தொழில்களில் இருக்கும் என கூறப்படுகிறது.
CUSMA ஒப்பந்தத்தை மறு பேச்சுவார்த்தை மூலம் தொடர்வது 98,000 கனடிய வேலை வாய்ப்புகளை உருவாக்கும் எனவும் கூறப்படுகிறது.
கனடிய அமெரிக்க வர்த்தகப் பேச்சுவார்த்தையாளர்கள் இந்த வாரம் மீண்டும் சந்தித்த நிலையில் இந்த ஆய்வு குறித்த தகவல் வெளியானது.
August 19-ஆம் திகதிக்குள் சுங்கவரி தொடர்பான ஒப்பந்தத்தை எட்டுவதற்கான முயற்சிகளில் கனடியப் பேச்சுவார்த்தையாளர்கள் தொடர்ந்து ஈடுபட்டு வரும் நிலையில் இந்த புதிய அறிக்கை வெளியாகியுள்ளது.
