Ontario Line கட்டுமானச் செலவு மீண்டும் அதிகரித்துள்ளது.
Ontario Line திட்டத்தின் செலவு, 2019-இல் கணிக்கப்பட்டதை விட மூன்று மடங்காக அதிகரித்துள்ளது.
Metrolinx தலைமை நிர்வாக அதிகாரி Michael Lindsay இந்தத் தகவலை தெரிவித்தார்.
Ontario Line சுரங்கப்பாதை திடத்திற்கான இதுவரையிலான செலவு சுமார் $34 பில்லியன் என அவர் கூறுகிறார்.
இது Ontario அரசாங்கத்தின் ஆரம்ப செலவு மதிப்பீட்டை விட மூன்று மடங்காகும்.
இந்தத் தொகையை செவ்வாய்க்கிழமை (11) ஒரு நிருபரின் கேள்விக்கு பதிலளிக்கும்போது உறுதிப்படுத்திய Michael Lindsay, இந்த ஒப்பந்த செயல்முறை இன்னும் இறுதி செய்யப்படாததால், இறுதித் தொகை அதைவிட அதிகமாக இருக்கும் எனவும் கூறினார்.
முதல்வர் Doug Ford அரசாங்கம், Exhibition வளாகத்தில் இருந்து Toronto மத்திய வழியாக கிழக்கு Toronto வரை சுரங்கப்பாதை அமைக்கும் திட்டத்தை அறிவித்தபோது, அதன் செலவை $10.9 பில்லியன் என மதிப்பிட்டது.
2019-இல் இத்திட்டம் அறிவிக்கப்பட்டபோது சூழல் வேறாக இருந்தது எனவும், அதன் பின்னர் வர்த்தகம் சார்ந்த நிச்சயமற்ற தன்மையும் விநியோகச் சங்கிலியில் ஏற்படும் பாதிப்புகளும் நெருக்கடிகளையும் செலவுகளையும் அதிகரித்துள்ளது எனவும் Michael Lindsay கூறுகிறார்.
இந்த நிலையில் பெரிய அளவிலான பொதுப் போக்குவரத்து திட்டங்களின் செலவினங்கள் தொடர்ந்து கட்டுப்பாடின்றி விரிவடைவது குறித்தும், அவை குறித்த நேரத்தில் முடிக்கப்படாமல் இருப்பது குறித்து தான் கவலை கொள்வதாக NDP தலைவர் Marit Stiles கூறுகிறார்.
Ontario Line திட்டம் முதன் முதலில் அறிவிக்கப்பட்டபோது அது “2027-ஆம் ஆண்டில்” நிறைவடையும் என எதிர்பார்க்கப்பட்டது.
ஆனால், அதன் மதிப்பிடப்பட்ட நிறைவுத் திகதி பின்னர் 2031-ஆம் ஆண்டிற்கு மாற்றியமைக்கப்பட்டது.
