இருதய நோய் காரணமாக Conservative நாடாளுமன்ற உறுப்பினர் ஒருவர் மருத்துவமனையில் அனுமதிக்கப்பட்டார்.
Québec நாடாளுமன்ற உறுப்பினர் Bernard Généreux மருத்துவமனையில் அனுமதிக்கப்பட்டுள்ளார்.
இருதய நோய் காரணமாக புதன்கிழமை (10) காலை அவர் மருத்துவமனையில் அனுமதிக்கப்பட்டுள்ளதாக Conservative கட்சித் தலைவர் Pierre Poilievre தெரிவித்துள்ளார்.
புதன் காலை நடைபெற்ற Quebec Conservative கட்சிக் குழு கூட்டத்திற்கு அவசர உதவி வாகனம் வரவழைக்கப்பட்டதாக நாடாளுமன்ற உறுப்பினர்களிடம் Pierre Poilievre தெரிவித்தார்.
64 வயதான Bernard Généreux உயிர் ஆபத்தற்ற நிலையில் இருப்பதாக Pierre Poilievre கூறினார்.
அரசாங்க அவைத் தலைவர் Steven MacKinnon, Liberal அரசாங்கத்தின் சார்பாக Bernard Généreux விரைவில் நலன்பெற வாழ்த்துத் தெரிவித்தார்.
Côte-du-Sud-Rivière-du-Loup-Kataskomiq-Témiscouata தொகுதிக்காக நாடாளுமன்ற உறுப்பினரான Bernard Généreux முதன்முதலில் 2009 இடைத் தேர்தலில் தேர்ந்தெடுக்கப்பட்டார்.
2011 தேர்தலில் தோல்வி அடைந்த அவர் 2015 தேர்தலில் வெற்றி பெற்று நாடாளுமன்றத்திற்குத் திரும்பினார்.
அதன் பின்னர் மூன்று முறை அவர் மீண்டும் தேர்ந்தெடுக்கப்பட்டுள்ளார்.
