வட அமெரிக்க தடையற்ற வர்த்தக ஒப்பந்தத்தை புதுப்பிக்கும் எண்ணம் தனக்கு இல்லை என அமெரிக்க ஜனாதிபதி Donald Trump தெரிவித்துள்ளார்.
CUSMA, அல்லது அமெரிக்காவில் USMCA என அறியப்படும் தடையற்ற வர்த்தக ஒப்பந்தம் கனடியப் பொருட்களை அமெரிக்க இறக்குமதி வரிகளின் பெரும் பகுதியில் இருந்து பாதுகாக்கிறது.
கனடா-அமெரிக்கா-மெக்சிகோ நாடுகளுக்கும் இடையிலான இந்த தடையற்ற வர்த்தக ஒப்பந்தத்தின் வரவிருக்கும் மறு ஆய்வு குறித்து புதன்கிழமை (10) அமெரிக்கா ஜனாதிபதியிடம் வினவப்பட்டது.
இதற்கு பதிலளித்த Donald Trump, “நான் அதை புதுப்பிக்க விரும்பவில்லை” என கூறினார்.
கனடாவிடமோ அல்லது மெக்சிகோவிடமோ உள்ள எதுவும் எமக்கு தேவையில்லை எனவும் அவர் தெரிவித்தார்.
USMCA தான் எதிர் கொண்ட மிக மோசமான வர்த்தக ஒப்பந்தம் என Donald Trump கூறினார்.
அமெரிக்க ஜனாதிபதியின் கூற்றுகள் குறித்து பதிலளிக்குமாறு செய்தியாளர்கள் கோரிய போது பிரதமர் Mark Carney பதிலளிக்கவில்லை.
இந்த விடயம் குறித்து கனடா-அமெரிக்க வர்த்தக அமைச்சர் Dominic LeBlanc அலுவலகம் இதுவரை கருத்து தெரிவிக்கவில்லை.
முன்கூட்டியே திட்டமிடப்பட்ட ஆய்வின்படி, இந்த சுதந்திர வர்த்தக ஒப்பந்தம் எதிர்வரும் July 1 -ஆம் திகதி மறு ஆய்வுக்கு வரவுள்ளது.
இந்த ஒப்பந்தத்தை ஒப்பந்தம் பல மாதங்களாக அவ்வப்போது முறைசாரா பேச்சுவார்த்தைகள் நடைபெற்று வருகின்றன.
இந்த வர்த்தக ஒப்பந்தத்தை புதுப்பிப்பதில் தனக்கு ஆர்வம் இருப்பதாக கனடா ஏற்கனவே தெரிவித்துள்ளது.
கடந்த வாரம், அமெரிக்கா, மெக்சிகோவுக்கு எழுதிய கடிதத்தின் மூலம், இந்த ஒப்பந்தத்தைப் புதுப்பிப்பதற்கான கனடாவின் நோக்கங்களை கனடா-அமெரிக்க வர்த்தக அமைச்சர் Dominic LeBlanc தெளிவுபடுத்தினார்.
அமெரிக்க மக்கள் தொகை கணக்கெடுப்பு பணியகத்தின் தகவல்படி, கனடா இந்த ஆண்டு இதுவரை அமெரிக்காவிற்கு 127 பில்லியன் அமெரிக்க டொலர் மதிப்புள்ள பொருட்களை ஏற்றுமதி செய்துள்ளது.
கனடா 114 பில்லியன் அமெரிக்க டொலர் மதிப்புள்ள அமெரிக்க பொருட்களை இறக்குமதி செய்தது குறிப்பிடத்தக்கது.
