கனடா, அமெரிக்கா வர்த்தக ஒப்பந்தத்தின் வரைவுத் திட்டம் விரைவில் அமெரிக்க ஜனாதிபதியிடம் சமர்ப்பிக்கப்படவுள்ளதாக தெரியவருகிறது.
கனடா, அமெரிக்க வர்த்தக அதிகாரிகள் ஒப்பந்தத்தின் வரைவுத் திட்டத்தை Donald Trump-பிடம் சமர்ப்பிக்க உள்ளதாக தெரியவருகிறது.
இதற்கான காலக்கெடுவிற்கு முன்னதாகவே ஒப்பந்தத்தின் வரைவுத் திட்டத்தை அமெரிக்கா ஜனாதிபதியிடம் சமர்ப்பிப்பதை கனடா, அமெரிக்க வர்த்தக அதிகாரிகள் இலக்காக கொண்டுள்ளனர்.
August 19 நிர்ணயிக்கப்பட்ட காலக்கெடுவிற்கு முன்பாகவே, வர்த்தக ஒப்பந்தம் ஒன்றின் வரைவுத் திட்டத்தை Donald Trump-பிடம் சமர்ப்பிக்க இரு நாடுகளின் வர்த்தக பிரதிநிதிகள் திட்டமிட்டுள்ளதாக தகவல் வெளியாகியுள்ளது.
கனடிய அமெரிக்க வர்த்தகப் பேச்சுவார்த்தையாளர்கள் செவ்வாய்க்கிழமை (11) மீண்டும் சந்தித்த நிலையில் இந்த தகவல் வெளியானது.
கனடா-அமெரிக்க வர்த்தக அமைச்சர் Dominic LeBlanc, அமெரிக்க வர்த்தக பிரதிநிதி Jamieson Greer-ருடன் மற்றொரு சந்திப்பை நடத்துவதற்காக செவ்வாயன்று Washington பயணித்தார்.
ஒரு வாரத்திற்கும் குறைவான காலத்தில் இரு தரப்பினருக்கும் இடையே நடைபெற்ற இரண்டாவது சந்திப்பு இதுவாகும்.
கடந்த மாதம், கனடிய இறக்குமதிகள் மீது 50 சதவீத புதிய சுங்க வரியை விதிப்பதற்கான நிர்வாக உத்தரவு ஒன்றில் அமெரிக்க ஜனாதிபதி Donald Trump கையெழுத்திட்டார்.
இந்த விடயத்தில் இரு தரப்பினராலும் ஒரு உடன்பாட்டிற்கு வர முடியாவிட்டால், சுமார் $28 பில்லியன்மதிப்பிலான கனடிய இறக்குமதிகள் மீது வரிகள் August 19 அமுலுக்கு வரும் என்பது இங்கு குறிப்பிடத்தக்கது.
