அமெரிக்க ஜனாதிபதிக்கு CUSMA வர்த்தக ஒப்பந்தத்தில் ஆர்வமில்லை என்பது ஒன்றும் இரகசியமல்ல என கனடிய பிரதமர் தெரிவித்தார்.
வட அமெரிக்க தடையற்ற வர்த்தக ஒப்பந்தம் இல்லாமலேயே அமெரிக்கா சிறப்பாகச் செயல்படும் என Donald Trump சமீபத்தில் கூறியது குறித்து பிரதமர் Mark Carney ஆச்சரியம் தெரிவிக்கவில்லை.
தடையற்ற வர்த்தக ஒப்பந்தங்களின் மீது அமெரிக்க ஜனாதிபதிக்கு பெரிய அளவில் விருப்பமில்லை என்பது ஒன்றும் இரகசியமல்ல என கூறும் Mark Carney, அதன் காரணமாக இரு நாடுகளும் வர்த்தக விடயங்களில் முன்னேற்றம் காண முடியாது என்று அர்த்தமல்ல எனத் தெரிவித்தார்.
வர்த்தகப் பேச்சுவார்த்தைகளின் ஆரம்பத்தின் இரண்டு வாரங்களுக்கு முன்னர், G7 உச்சிமாநாட்டில் புதன்கிழமை (17) செய்தியாளர்களிடம் Donald Trump இந்தக் கருத்துக்களை தெரிவித்தார்.
இந்த வர்த்தக ஒப்பந்தத்தை தேவையற்றது என ஒரு புறமும், அதன் புதுப்பித்தலுக்கு தான் ஒப்புதல் அளிக்கக்கூடும் என மறுபுறமும் சூசகமாக தெரிவித்து, முரண்பட்ட சமிக்ஞைகளை Donald Trump வெளியிட்டு வருகிறார்.
கனடா-அமெரிக்கா-மெக்சிகோ வர்த்தகம் தொடர்பான ஒப்பந்தம் இந்த ஆண்டு கட்டாய மறு ஆய்வுக்கு வரவுள்ளது.
கனடாவும் மெக்சிகோவும் இந்த ஒப்பந்தத்தை 16 ஆண்டுகளுக்கு நீட்டிக்க கோரியுள்ளன.
