பணியின்போது உயிரிழந்த OPP அதிகாரியின் இறுதி சடங்கு வியாழக்கிழமை (18) நடைபெற்றது.
கடந்த வாரம் வடக்கு Ontario-வில் பணியின்போது 29 வயதான Ontario மாகாண காவல்துறை அதிகாரி Tarun Bali உயிரிழந்தார்.
வியாழன் நடைபெற்ற உணர்ச்சிமயமான இறுதிச் சடங்கில் அவரது தன்னலமற்ற தன்மை, தைரியத்திற்காக Tarun Bali நினைவு கூறப்பட்டார்.
இறுதி நிகழ்வில் பிரமுகர்கள், குடும்ப உறுப்பினர்கள், அவருடன் இணைந்து பணியாற்றிய நூற்றுக்கணக்கான OPP அதிகாரிகள் கலந்து கொண்டனர்.
இந்த இறுதிச் சடங்குகள் இந்து பிரார்த்தனையுடன் ஆரம்பித்தன.
இறுதி நிகழ்வில் Ontario ஆளுநர் நாயகம் Edith Dumont, Ontario மாகாண முதல்வர் Doug Ford, OPP ஆணையர் Thomas Carrique, OPP தலைமை கண்காணிப்பாளர் Karl Thomas, உயிரிழந்த OPP அதிகாரியின் மனைவி Komal Sharma Bali, உயிரிழந்த OPP அதிகாரியின் தந்தை Ashok Bali உள்ளிட்டோர் உரையாற்றினர்.
Hearst பகுதியில் நடைபெற்ற ஒரு விசாரணையின்போது படுகாயமடைந்த OPP அதிகாரி Tarun Bali உயிரிழந்தார்.
Brampton நகரை பூர்வீகமாக கொண்ட இவர் OPP Dufferin பிரிவில் James Bay பிரிவுடன் இரண்டரை ஆண்டுகள் பணியாற்றினார்.
OPP அதிகாரிகள் விசாரணை ஒன்று முன்னெடுத்துக் கொண்டிருந்த சமயம் அவர்கள் மீது வாகனம் மோதிய போது சம்பவ இடத்தில் Tarun Bali உயிரிழந்ததாக அறிவிக்கப்பட்டது.
இதில் 18 வயது இளைஞர் ஒருவர் கைது செய்யப்பட்டு, அவருக்கு எதிராக முதலாம் தர கொலைக் குற்றச்சாட்டு உட்பட குற்றச்சாட்டுகள் பதிவு செய்யப்பட்டுள்ளது.
