பிரதமர் Mark Carney அரசில் விரைவில் ஒரு அமைச்சரவை மாற்றம் எதிர்வு கூறப்படுகிறது.
நத்தாருக்கு முன்னர் ஒரு அமைச்சரவை மாற்றம் சாத்தியம் என Toronto Sun பத்திரிகை செய்தி வெளியிட்டது.
இந்த மாற்றத்தில் தமிழரான பொதுமக்கள் பாதுகாப்பு அமைச்சர் ஹரி ஆனந்தசங்கரி தனது அமைச்சர் பதவியில் இருந்து மாற்றப்படும் சாத்தியக்கூறு குறித்து Toronto Sun செய்தி வெளியிட்டது.
நத்தார் சபை அமர்வுகள் விடுமுறையின் பின்னர் December 15-ஆம் திகதி அளவில் இந்த அமைச்சரவை மாற்றம் சாத்தியமாகும் என கூறப்படுகிறது.
France-க்கான கனடாவின் தூதர் பதவியை அமைச்சர் Melanie Joly ஏற்கலாம் என எதிர்பார்க்கப்படும் நிலையில் இந்த அமைச்சரவை மாற்றம் எதிர்வு கூறப்படுகிறது.
இந்த மாற்றத்தில் ஹரி ஆனந்தசங்கரி தவிர குடிவரவு அமைச்சர் Lena Diab தனது அமைச்சர் பதவியை இழக்கலாம் என கூறப்படுகிறது.
ஹரி ஆனந்தசங்கரிக்கு வேறு ஒரு அமைச்சு பதவி வழங்கப்படும் எனவும், Lena Diab முற்றாக அமைச்சரவையில் இருந்து வெளியேற்றப்படலாம் எனவும் தெரிவிக்கப்படுகிறது.
இந்த மாற்றம் நிகழ்ந்தால் ஒரு புதிய அரசாங்கம் ஒரு வருடத்தில் மூன்று அமைச்சரவைகளைக் கொண்டிருக்கும் நிலை தோன்றும் என்பது குறிப்பிடத்தக்கது.
LJI Reporter ரம்யா சேது
