NDP நாடாளுமன்ற உறுப்பினர்கள் ஆளும் Liberal அரசாங்கத்தில் இணைய அழைப்புகள் விடுக்கப்படுவதாக தெரியவருகிறது.
Liberal கட்சியினர், NDP நாடாளுமன்ற உறுப்பினர்களுக்கு இந்த விடயம் குறித்து தொலைபேசி அழைப்புகளை விடுப்பதாக தெரிவிக்கப்படுகிறது.
புதிய ஜனநாயக கட்சியின் இடைக்கால தலைவர் Don Davies இந்தத் தகவலை தெரிவித்தார்.
Liberal கட்சி கடந்த பொதுத் தேர்தலில் 169 ஆசனங்களை பெற்றது.
இது பெரும்பான்மைக்கு தேவையான 172 ஆசனங்களை விட மூன்று ஆசனங்கள் குறைவானதாகும்.
இந்த நிலையில் கட்சி மாறுவது குறித்து NDP நாடாளுமன்ற உறுப்பினர்களை Liberal கட்சியினர் தொடர்பு கொள்வதாக தெரிவிக்கப்படுகிறது.
ஆனாலும் இம்முறை தெரிவாகியுள்ள NDP நாடாளுமன்ற உறுப்பினர்கள் கட்சி மாறுவார்கள் என்ற அச்சம் எதுவும் தனக்கு இல்லை என இடைக்கால தலைவர் Don Davies தெரிவித்தார்.
NDP-உடன் அதிகாரப்பூர்வமாக ஒப்பந்தம் எதையும் செய்யும் எண்ணம் ஏதுவும் இல்லை என தேர்தலுக்கு பின்னரான முதல் செய்தியாளர் சந்திப்பில் பிரதமர் Mark Carney தெரிவித்திருந்தார்.
இந்த விடயம் குறித்து கேள்வி எழுப்பிய போது, பிரதமர் அலுவலக பேச்சாளர் எந்தக் கருத்துகளையும் தெரிவிக்கவில்லை என்பது குறிப்பிடத்தக்கது.
