Toronto பகுதியில் நீண்ட காலமாக நீடித்து வரும் Tow Truck மோதலின் புதிய அதிரடித் திருப்பமாக தமிழர் ஒருவர் கைதானார்.
தொழில்துறைப் போட்டி நிறுவன உரிமையாளரை கொலை செய்ய சதித்திட்டம் தீட்டியதாக Scarborough நகரை சேர்ந்த தமிழர் ஒருவர் கைது செய்யப்பட்டுள்ளார்.
கைதானவர் 43 வயதான மனோ என அழைக்கப்படும் மனோகரன் சுப்பிரமணியம் என அடையாளம் காணப்பட்டார்.
கடந்த சனிக்கிழமை (17) அதிரடியாகக் கைது செய்யப்பட்ட அவர் மீது இரண்டு கொலை சதித்திட்ட குற்றச்சாட்டுகள் சுமத்தப்பட்டுள்ளன.
நீதிமன்றக் ஆவணங்களின்படி, மனோகரன் சுப்பிரமணியம் தனது கூட்டாளிகளுடன் இணைந்து கடந்த October 15 அன்று தங்களின் தொழில்துறை எதிரிகளான இருவரை கொலை செய்யச் சதி செய்ததாக குற்றம் சாட்டப்பட்டுள்ளது.
இதில் மனோகரன் சுப்பிரமணியத்துடன் இணைந்து செயல்பட்டதாக 41 வயதான Bryan Fedrol , 43 வயதான வத்சுதன் கோபாலகிருஷ்ணன் ஆகியோர் கைது செய்யப்பட்டு வழக்கு பதிவு செய்யப்பட்டது.
இதில் கைதானவர்கள் மீதான குற்றச்சாட்டுக்கள் எதுவும் நீதிமன்றத்தில் நிரூபிக்கப்படவில்லை.
