Ontario முதல்வர் Doug Ford தலைமையிலான Ontario மாகாண அரசு, கடந்த 2025-26 நிதியாண்டில் அரசு விளம்பரங்களுக்காக சுமார் $125.4 மில்லியன் செலவழித்துப் புதிய வரலாற்று உச்சத்தை எட்டியுள்ளது.
மாகாண அரசின் அதிகாரப்பூர்வ நிதிக்கணக்கு அறிக்கைகளின்படி, மாகாண வரலாற்றிலேயே விளம்பரங்களுக்காக ஒரே ஆண்டில் பெரிய தொகை செலவிடப்பட்டுள்ளது இதுவே முதல்முறையாகும்.
அரசின் இந்த பிரம்மாண்ட விளம்பரச் செலவுகளில் பெரும்பாலானவை மாகாணத்தின் புதிய கொள்கைகள், உள்கட்டமைப்புத் திட்டங்களை விளம்பரப்படுத்த பயன்படுத்தப்பட்டுள்ளன.
இதில் மக்களின் வரிப்பணம் வீணடிக்கப்படுகிறது என எதிர்க்கட்சிகள் சாடினர்.
அடுத்த ஆண்டு Ontario மாகாண சபை தேர்தல் நடைபெற உள்ள சூழலில், ஆளும் கட்சியான Progressive Conservative தங்கள் தேர்தல் பிரச்சாரத்திற்காக மக்களின் பொது வரிப்பணத்தை தவறாக பயன்படுத்துவதாக எதிர்க்கட்சிகள் குற்றம் சாட்டியுள்ளன.
இருப்பினும், அரசின் சார்பில் இந்த செலவுகள் நியாய படுத்தப்பட்டுள்ளன.
மாகாண வாசிகள் அனைவரும் அரசின் புதிய சேவைகள், கல்வி மானியங்கள், உள்கட்டமைப்பு மாற்றங்கள் குறித்து முழுமையாகத் தெரிந்து கொள்ளவே இந்தத் தகவல் தொடர்புப் பிரச்சாரங்கள் மேற்கொள்ளப்பட்டதாக அரசு செய்தித் தொடர்பாளர் விளக்கம் அளித்துள்ளார்.
