Mississauga நகர முதல்வர் தேர்தல் கடுமையான மும்முனைப் போட்டியாக மாறி வருவதாக சமீபத்திய கருத்துக் கணிப்புகள் தெரிவிக்கின்றன.
தேர்தலுக்கான வாக்குப்பதிவு நெருங்கி வரும் வேளையில், முன்னாள் நகர முதல்வர் Bonnie Crombie, தற்போதைய நகர முதல்வர் Carolyn Parrish நகரசபை உறுப்பினர் Alvin Tedjo ஆகியோருக்கு இடையே மிகக் கடுமையான மும்முனைப் போட்டி நிலவி வருகிறது.
வெவ்வேறு நிறுவனங்கள் வெளியிட்டுள்ள சமீபத்திய கருத்துக் கணிப்புகள் இந்த மும்முனைப் போட்டியை உறுதிப்படுத்துகின்றன.
October 2 முதல் 4 வரை 1,000 குடியிருப்பாளர்களிடம் நடத்தப்பட்டு October 5 வெளியான Liaison Strategies ஆய்வில், Alvin Tedjo அதிரடி வளர்ச்சியால் முதலிடத்திற்கான போட்டியில் கடுமையான இழுபறி நீடிக்கிறது:
• Bonnie Crombie:: 30% ஆதரவு
• Carolyn Parrish: 29% ஆதரவு
• Alvin Tedjo: 26% ஆதரவு (August மாதத்தில் இருந்து 14 புள்ளிகள் உயர்ந்துள்ளார்)
• Dipika Damerla: 11% ஆதரவு
• இதர வேட்பாளர்கள்: 4% ஆதரவு
October 3 வெளியிடப்பட்ட Mainstreet Research தொடர் கண்காணிப்பு பொது கருத்துக்கணிப்பில், முன்னணி வேட்பாளர்களுக்கு இடையே மிகக் குறைந்த அளவிலான வாக்கு வித்தியாசமே காணப்படுகிறது.
• Bonnie Crombie: 30.4% ஆதரவு
• Carolyn Parrish: 27.6% ஆதரவு
• Alvin Tedjo: 20.5% ஆதரவு
• Dipika Damerla: 10.4% ஆதரவு
வாக்களிக்க முடிவு செய்துள்ள வாக்காளர்களிடம் September 14 முதல் 25, வரை நடத்தப்பட்ட Canada Pulse Insights / CityNews ஆய்வில், தற்போதைய நகர முதல்வர் சற்று முன்னிலையில் இருப்பது தெரியவந்துள்ளது.
• Carolyn Parrish: 30% ஆதரவு
• Alvin Tedjo: 26% ஆதரவு
• Bonnie Crombie: 25% ஆதரவு
• Dipika Damerla: 12% ஆதரவு
• முடிவெடுக்காதவர்கள்: 8%
இந்தத் தேர்தலுக்கான முன்கூட்டிய வாக்குப்பதிவு ஞாயிற்றுக்கிழமையுடன் (11) நிறைவடைந்தது.
அதிகாரப்பூர்வ தேர்தல் நாள் வாக்குப்பதிவு October 26 திங்கட்கிழமை காலை 10 மணி முதல் இரவு 8 மணி வரை நடைபெறும்.
இந்தத் தேர்தலில் Mississauga நகர முதல்வர் பதவிக்கு போட்டியிட மொத்தம் 14 வேட்பாளர்கள் அதிகாரப்பூர்வமாக தங்கள் பெயர்களைப் பதிவு செய்துள்ளனர்.
