British Columbia மாகாண Conservative கட்சி தலைமை பதவியில் இருந்து விலகுமாறு விடுக்கப்பட்ட கோரிக்கையை Kerry-Lynne Findlay மீண்டும் நிராகரித்தார்.
கட்சிக்குள் கடுமையான தலைமைத்துவ மோதல் வெடித்துள்ள சூழலில், Kerry-Lynne Findlay பதவி விலக வேண்டும் என இரண்டு சட்டமன்ற உறுப்பினர்கள் வலியுறுத்தினார்.
Vancouver நகரில் புதன்கிழமை (16) நள்ளிரவு வரை நடந்த உட்கட்சி அவசரக் கூட்டத்தில் இந்தக் கோரிக்கை முன்வைக்கப்பட்டது.
ஆனாலும் இந்த கோரிக்கையை Kerry-Lynne Findlay நிராகரித்தார்.
இதனால் அதிகாரப்பூர்வ எதிர்க்கட்சியான Conservative கட்சிக்குள் பிளவு உச்சக்கட்டத்தை எட்டியுள்ளது.
கடந்த August மாதத்தில் இருந்து இதுவரை 9 சட்டமன்ற உறுப்பினர்கள் Conservative கட்சியை விட்டு வெளியேறியுள்ளனர்.
கட்சியின் தலைமைத்துவத்தில் அதிருப்தி அடைந்து அவர்கள் கட்சியின் தவறான வழிகாட்டுதல் இதற்குக் காரணம் என குற்றம் சாட்டினர்.
தற்போது சட்டமன்ற உறுப்பினராக இல்லாத Kerry-Lynne Findlay, இந்த மாத இறுதியில் நடைபெற உள்ள Abbotsford-Mission தொகுதி இடைத் தேர்தலில் போட்டியிடுகிறார் என்பது குறிப்பிடத்தக்கது.
Conservative கட்சிக்குள் நிலவி வரும் இந்த பலவீனமான அரசியல் குழப்பத்தைத் தங்களுக்குச் சாதகமாகப் பயன்படுத்திக் கொள்ள ஆளும் கட்சியான புதிய ஜனநாயகக் கட்சி (NDP) வியூகம் வகுத்துள்ளது.
NDP கட்சி “தேர்தலுக்கு முற்றிலும் தயாராக” உள்ளதாக B.C. மாகாண முதல்வர் David Eby வியாழக்கிழமை (17) செய்தியாளர்களிடம் தெரிவித்தார்.
இந்தத் தேர்தலை எதிர்கொண்டு Conservative கட்சி வெற்றி பெறத் தயாராக உள்ளதாக Kerry-Lynne Findlay தெரிவித்தார்.
