ஐரோப்பிய நாடாளுமன்றத்தில் கனடிய பிரதமர் Mark Carney உரையாற்றவுள்ளார்.
ஐரோப்பிய நாடாளுமன்றத்தில் உரையாற்றுவதற்காக Mark Carney அடுத்த மாதம் ஐரோப்பாவிற்கு பயணம் மேற்கொள்வார்.
அமெரிக்காவுடனான தீவிரமடைந்து வரும் வர்த்தக மோதல் குறித்து விவாதிக்க கனடிய நாடாளுமன்றம் மீண்டும் கூடுவதற்கு முன்னதாக பிரதமரின் இந்த ஐரோப்பியப் பயணம் நிகழவுள்ளது.
September 16 அன்று ஐரோப்பிய ஒன்றியத்தின் State of the Union மாநாட்டில் Mark Carney கலந்து கொள்வார் எனவும், மறுநாள் ஐரோப்பிய நாடாளுமன்றத்தில் உரையாற்றுவார் எனவும் அரச அதிகாரிகள் தெரிவிக்கின்றனர்.
France-சின் Strasbourg நகரில் உரையாற்றுவதற்காக ஐரோப்பிய நாடாளுமன்றத் தலைவர் Roberta Metsola விடுத்த அழைப்பை Mark Carney ஏற்றுக் கொண்டதாக பிரதமர் அலுவலகம் வெளியிட்ட அறிக்கையில் தெரிவிக்கப்பட்டுள்ளது.
இந்த நிலையில் கனடிய நாடாளுமன்றம் முன்கூட்டியே கூட்டப்படாது என பிரதமர் அலுவலகம் தெரிவித்துள்ளது.
கடந்த வாரம் கனடா-அமெரிக்க வர்த்தக பேச்சுவார்த்தைகள் முடிந்ததை தொடர்ந்து, அவசர விவாதத்தை நடத்த வேண்டும் என Conservative கட்சியினர் வலியுறுத்தி வருகின்றனர்.
அமெரிக்காவுடனான பேச்சுவார்த்தைகள் முறிவடைந்த மறுதினம் நடைபெற்ற செய்தியாளர் சந்திப்பில், வர்த்தக பேச்சுவார்த்தைகள் முறிந்தது குறித்து Mark Carney கனடியர்களிடம் உரையாற்றினார் என பிரதமர் அலுவலக அதிகாரி ஒருவர் தெரிவித்தார்.
ஆனாலும் நாடாளுமன்ற ஆய்விற்கும் விவாதத்திற்கும் செய்தியாளர் சந்திப்பு ஒரு மாற்றாக அமையாது என Conservative கட்சி வாதிடுகிறது.
Mark Carney ஐரோப்பாவிலிருந்து திரும்பிய அடுத்த வாரமான September 21 அன்று கனடிய நாடாளுமன்றத்தின் கூட்டத்தொடர் மீண்டும் ஆரம்பிக்கிறது குறிப்பிடத்தக்கது.
