கனடாவுக்கு அமெரிக்காவுக்கும் இடையிலான வர்த்தகப் பேச்சுவார்த்தைகளை மேலதிக வரிகள் முடக்கக்கூடும் என கனடாவின் தலைமை வர்த்தகப் பேச்சுவார்த்தையாளர் எச்சரித்தார்.
அமெரிக்கத் தரப்பு பிரதிநிதிகளிடம் இந்த எச்சரிக்கை முன்வைக்கப்பட்டதாக தகவல் அறிவித்த வட்டாரங்கள் மூலம் தெரியவருகின்றது.
அமெரிக்காவுடனான வர்த்தகப் பேச்சுவார்த்தைகளில் கனடாவின் தலைமைப் பிரதிநிதியான Janice Charette, August 19 அன்று வெள்ளை மாளிகை 50 சதவீத புதிய வரிகளை விதித்தால், அது அடுத்த கட்ட வர்த்தகப் பேச்சுவார்த்தைகளை ஆபத்துக்குள்ளாக்கக் கூடும் என எச்சரிக்கை விடுத்துள்ளார்.
இந்த விடயத்தில் அமெரிக்க வர்த்தகப் பிரதிநிதிக்கு எந்தவிதமான இறுதிக்கெடுவும் விடுக்கப்படவில்லை என தொழில்துறை வட்டாரங்கள் தெரிவித்துள்ளன.
இருந்த போதிலும் இன்றைய நிலவரத்தின் யதார்த்தத்தை அமெரிக்க வர்த்தக பிரதிநிதி Jamieson Greer புரிந்து கொண்டுள்ளதாக தெரியவருகிறது.
இந்த விடயத்தில் Janice Charette முன்வைத்த கருத்துகள் புதன்கிழமை (12) முதன் முதலில் வெளியிடப்பட்டன என்பது குறிப்பிடத்தக்கது.
