Ontario அரசியல் கட்சித் தலைவர்கள் புதன்கிழமை (26) வாக்காளர்களிடம் தங்கள் இறுதி பிரசாரத்தை முன்னெடுத்தனர்.
எப்போதும் Ontario முதல்வராக இருக்க விரும்புவதாக Doug Ford தனது இறுதி பிரச்சாரத்தில் கூறினார்.
அதே நேரத்தில் அவரது போட்டியாளர்கள் மாற்றத்தைத் தேர்ந்தெடுக்குமாறு Ontario வாக்காளர்களைக் கோரினர்.
தொடர்ந்து மூன்றாவது பெரும்பான்மை அரசாங்கத்தைப் பெற Doug Ford முயற்சிக்கிறார்.
அமெரிக்க ஜனாதிபதி Donald Trump அவரது வரி அச்சுறுத்தல்களை எதிர்க்கக்கூடிய ஒரே கட்சி தனது கட்சி மட்டுமே என Doug Ford புதன்கிழமை கூறினார்.
“நான் ஒரு பெரிய பெரும்பான்மையை வெல்ல விரும்புகிறேன்” என அவர் தெரிவித்தார்.
Doug Ford தனது பிரச்சாரத்தை Mississauga East-Cooksville தொகுதியில் நிறைவு செய்தார்.
இந்தத் தொகுதியை வெற்றி பெற்று மாகாண சபையில் ஒரு ஆசனத்தைப் பெற Ontario Liberal தலைவர் Bonnie Crombie முயற்சிக்கிறார்.
Doug Ford மீண்டும் வெற்றி பெறுவார் எனவும், இரண்டாவது இடத்தை Bonnie Crombie பிடிப்பார் எனவும் பெரும்பாலான கருத்துக் கணிப்புகள் தேர்தலுக்கு முந்தைய நாள் குறிப்பிடுகின்றன.
NDP வாக்காளர்கள் தங்கள் மனதை மாற்றி Doug Fordடை தோற்கடிப்பதற்காக தனக்கு வாக்களிக்குமாறு Bonnie Crombie கடந்த வாரம் கோரியிருந்தார்.
ஆனாலும் Ontario வாசிகளுக்கு உண்மையான மாற்றத்தை வழங்கும் ஒரே கட்சி தனது கட்சி மட்டுமே என NDP தலைவர் Marit Stiles கூறினார்.
Progressive Conservative கட்சியை விட Liberal கட்சி வேறுபட்டதல்ல எனவும் அவர் கூறினார்.
வாக்குப்பதிவு வியாழக்கிழமை (27) காலை 9 மணிக்கு ஆரம்பித்து இரவு 9 மணிக்கு முடிவடைகிறது.
வாக்குப்பதிவு மாகாணத்தின் மேற்குப் பகுதியில் மத்திய நேரப்படி காலை 8 மணி முதல் இரவு 8 மணி வரை நடைபெறுகிறது.
