Gordie Howe சர்வதேச பாலம் திறக்கப்பட்ட முதல் 5 நாட்களில் 41 ஆயிரத்துக்கும் மேற்பட்டோர் வாகனங்கள் மூலம் இந்தப் பாலம் வழியாக கனடாவுக்குள் நுழைந்தனர்.
புதிய சர்வதேசப் பாலம் திறக்கப்பட்ட முதல் ஐந்து நாட்களில், அமெரிக்காவிலிருந்து கனடாவிற்கு 41 ஆயிரத்திற்கும் மேற்பட்டோர் பயணித்துள்ளதாக கனடிய புள்ளி விபரத் திணைக்களம் செவ்வாய்க்கிழமை (11) தெரிவித்தது.
July 27 முதல் 31 வரையிலான காலத்தில், Detroit நகரிலிருந்து Windsor நகருக்கு கனடாவில் வசிப்பவர்கள் மேற்கொண்ட 18,900 பயணங்களை, ஆரம்பகட்ட வருகைப் போக்குவரத்து புள்ளிவிவரங்கள் காட்டுகின்றன.
அதே காலகட்டத்தில், 18,100 அமெரிக்கர்கள் கனடாவிற்குள் நுழைவதற்காக பாலத்தைக் கடந்தனர்.
அதேவேளையில், 4,100 வணிகப் போக்குவரத்து வாகனங்கள் இந்தப் பாலத்தின் மூலம் கனடாவை நோக்கி பயணித்தன.
அதே ஐந்து நாட்களில், அப்பகுதியில் உள்ள ஏனைய எல்லை கடக்கும் இடங்களான Ambassador பாலம், Windsor-Detroit சுரங்கப்பாதை வழியாக கனடியர்கள், அமெரிக்கக் குடியிருப்பாளர்கள் இணைந்து 52,700 முறை பயணங்களை மேற்கொண்டதாக புள்ளிவிபரத் திணைக்களம் தெரிவிக்கிறது.
