COVID பெருந்தொற்றுக் காலத்தில் வழங்கப்பட்ட $4.5 பில்லியன் கடனை கனடிய மத்திய அரசு தள்ளுபடி செய்துள்ளதாக தணிக்கை அதிகாரியின் புதிய அறிக்கை தெரிவிக்கிறது.
தகுதியற்ற நபர்கள், நிறுவனங்களுக்கு தவறாக வழங்கப்பட்ட அவசரக் கால நிதியுதவிகளை மீண்டும் வசூலிக்க முடியாமல், மத்திய அரசு $4.5 பில்லியன் நிதியைத் தள்ளுபடி செய்து கணக்கை முடித்துள்ளதாக கனடாவின் தலைமைத் தணிக்கை அதிகாரி Karen Hogan தெரிவித்தார்.
நாடாளுமன்ற வளாகத்தில் திங்கட்கிழமை (09) நடைபெற்ற செய்தியாளர் சந்திப்பில் தனது தணிக்கை அறிக்கையை Karen Hogan சமர்ப்பித்தார்.
பெருந்தொற்று காலத்தில் அவசரமாக கொண்டுவரப்பட்ட கனடிய அவசர கால உதவித்தொகை (CERB), வணிகங்களுக்கான ஊதிய மானியம் (CEWS) போன்ற திட்டங்களில் பல பில்லியன் முறைகேடுகள் நடந்துள்ளதாக கடந்த காலங்களில் தணிக்கைத் துறை எச்சரித்திருந்தது.
தவறான விபரங்களைச் சமர்ப்பித்து அல்லது தகுதியில்லாமல் நிதியுதவி பெற்றவர்களிடம் இருந்து அந்தப் பணத்தைத் திரும்பப் பெறுவதற்கு கடந்த சில ஆண்டுகளாக கனடிய வருமானத் துறை பல அறிவிப்புகளை அனுப்பியது.
இருப்பினும், கடன் பெற்றவர்கள் திவாலானதாலும் அல்லது அவர்களை கண்டுபிடிக்க முடியாததாலும், கடந்த நிதியாண்டில் மட்டும் மொத்தம் $4.5 பில்லியன் நிதியைக் கனடிய அரசு தள்ளுபடி செய்ய நேரிட்டுள்ளது.
இது முனைய ஆண்டின் $26 மில்லியனை விட பெரும் அதிகரிப்பாகும்.
