OSAP நிதியுதவி மாற்றங்களுக்கு எதிராகப் போராடும் மாணவர்களை முதல்வர் Doug Ford கடுமையாகச் சாடினார்.
Ontario மாணவர்களுக்கான கல்வி நிதியுதவித் திட்டத்தில் (OSAP) மாகாண அரசு கொண்டுவந்துள்ள நிதி ஒதுக்கீட்டு மாற்றங்களுக்கு எதிராக மாகாணம் முழுவதும் போராட்டங்கள் முன்னெடுக்கப்படுகின்றன.
வகுப்புகளை புறக்கணித்து மாணவர்கள் இந்த போராட்டங்களில் ஈடுபட்டு வருகின்றனர்.
Toronto, Carleton, York, Windsor உள்ளியிட்ட பல்கலைக்கழக மாணவர்கள் இந்தப் போராட்டங்களில் ஈடுபட்டனர்.
இந்த மாணவர்களை விமர்சித்துள்ள Ontario மாகாண முதல்வர் Doug Ford அவர்களின் போராட்ட போக்கைப் பகிரங்கமாகச் சாடியுள்ளார்.
மாணவர்களின் தொடர் போராட்டங்கள் குறித்து செய்தியாளர்கள் கேள்வி எழுப்பிய போது, முதல்வர் Doug Ford மாணவர்களின் வாதங்களை முற்றிலும் நிராகரித்துப் பேசினார்.
மாகாணத்தின் நிதி நிலைத்தன்மையை பேணவும், வரிப்பணத்தை முறையான உள்கட்டமைப்புகளுக்கு பயன்படுத்தவும் இத்தகைய நிதிச் சீரமைப்புகள் அவசியமாகின்றன என அவர் தனது அரசின் முடிவுகளை நியாயப்படுத்தினார்.
