இஸ்ரேலில் வசிக்கும் கனேடியர் ஒருவர் கொல்லப்பட்டதாக Ottawaவின் யூத கூட்டமைப்பு தெரிவித்துள்ளது.
இஸ்ரேல், காசா பகுதியில் தொடரும் மோதலில் பலியான மூன்றாவது கனடியர் இவராவார்.
பலியானவர் Ottawa நகரை சேர்ந்த 33 வயதான Adi Vital-Kaploun என குடும்பத்தினர் உறுதிப்படுத்தினர்.
ஏற்கனவே Montreal நகரை சேர்ந்த 33 வயதான Alexandre Look, Vancouver நகரை சேர்ந்த 24 வயதான Ben Mizrachi ஆகியோர் இஸ்ரேலில் பலியாகினர்.
ஹமாஸ் போராளிகள் இஸ்ரேலில் சனிக்கிழமை (07) திடீர் தாக்குதலை ஆரம்பித்தனர்.
இந்த தாக்குதலில் இரு தரப்பிலும் குறைந்தது 2,200 பேர் வரை கொல்லப்பட்டனர்.
பலியானவர்களில் மூன்று கனடியர்களும் அடங்குகின்றனர்.
இஸ்ரேலில் மூன்று கனடியர்கள் தொடர்ந்து காணாமல் போயுள்ளதாக கனடிய வெளிவிவகார அமைச்சர் Melanie Joly கூறினார்.
