கனடியப் பொருட்களுக்கு வரிவிலக்கு ஒப்பந்தத்தைப் பெறுமாறு பிரதமரை Conservative கட்சியின் தலைவர் வலியுறுத்தினார்.
அமெரிக்கப் பேச்சுவார்த்தையாளர்களுக்கு சலுகை அளிப்பதற்கு எதிராக, பிரதமர் Mark Carney-க்கு Conservative கட்சித் தலைவர் Pierre Poilievre எச்சரிக்கை விடுத்து வருகிறார்.
பிரதமருக்கு எழுதியுள்ள கடிதத்தில், அமெரிக்காவுடனான உறவுகளுக்கான Conservative நிழல் அமைச்சருடன் இணைந்து இந்த வலியுறுத்தலை Pierre Poilievre முன்வைத்தார்.
மீண்டும் நேருக்கு நேர் சந்திப்புகளுக்கு கனடியப் பேச்சுவார்த்தையாளர்கள் தயாராகி வரும் நிலையில் இந்தக் கடிதம் அனுப்பப்பட்டுள்ளது.
வர்த்தகம், சுங்கவரி தொடர்பான பேச்சுவார்த்தைகளில் அமெரிக்காவின் கோரிக்கைகளுக்கு இனிமேலும் பணிந்து போக கூடாது என அந்தக் கடிதத்தில் குறிப்பிடப்பட்டுள்ளது. ‘
அமெரிக்க ஜனாதிபதி Donald Trump $28 பில்லியனுக்கும் அதிகமான மதிப்புள்ள பல்வேறு வகையான கனடிய ஏற்றுமதிப் பொருட்கள் மீது 50 சதவீத புதிய சுங்க வரியை விதிக்கப் போவதாக அச்சுறுத்தியுள்ளார்.
இந்த சுங்கவரி August 19-ஆம் திகதி முதல் அமுலுக்கு வருகின்றது.
கடந்த வியாழக்கிழமை (06) , கனடா-அமெரிக்க வர்த்தக விவகாரங்களுக்கான அமைச்சர் Dominic LeBlan , கனடாவின் தலைமை பேச்சுவார்த்தையாளர் Janice Charette ஆகியோர், அமெரிக்க வர்த்தக பிரதிநிதி Jamieson Greer-ருடன் 90 நிமிடங்கள் பேச்சுவார்த்தை நடத்தினர்.
இதன் பின்னர் குறிப்பிடத்தக்க முன்னேற்றம் குறித்த எந்தத் தகவலும் வெளியாகாத போதிலும், கனடா பரிசீலித்து வரும் சலுகைகள் குறித்த தகவல்கள் வெள்ளிக்கிழமை (07) வெளியாக ஆரம்பித்துள்ளன.
