Gordie Howe சர்வதேசப் பாலம் திங்கட்கிழமை (27) திறக்கப்படுமா என்பது குறித்து ஐயம் வெளியாகியுள்ளது.
Windsor-Detroit பால ஆணையத்தின் (WDBA) முன்னாள் தலைவர் Dwight Duncan இந்த சந்தேகத்தை வெளியிட்டுள்ளார்.
இந்தப் பாலத்தின் கனடியப் பகுதியான Ontario மாகாணத்தின் Windsor நகரில் நடைபெற்ற கனடாவிற்கு மட்டுமான நாடா வெட்டும் விழா வெள்ளிக்கிழமை (24) நடைபெற்றது.
கனடா, அமெரிக்கா இடையிலான கூட்டு திறப்பு நிகழ்ச்சி இரத்து செய்யப்பட்டதை தொடர்ந்து, வெள்ளியன்று நடைபெற்ற நாடா வெட்டும் நிகழ்வில் அமெரிக்க அதிகாரிகள் எவரும் கலந்து கொள்ளவில்லை.
Donald Trump அண்மையில் அறிவித்த வரி அச்சுறுத்தல்களை தொடர்ந்து, அமெரிக்காவுடனான கூட்டு நிகழ்ச்சியை கனடிய மத்திய அரசு இரத்து செய்த நிலையில், கனடா மட்டும் பங்கேற்கும் வகையில் இந்தப் பாலத்திற்கான நாடா வெட்டும் விழா நடைபெற்றது.
பல கனடியப் பொருட்கள் மீதான 50 சதவீத வரிகளை 30 நாட்களுக்குள் விதிக்கத் திட்டமிட்டுள்ளதாக Donald Trump அறிவித்துள்ள நிலையில், அந்தத் திறப்பு விழாவை இணைந்து கொண்டாடுவது பொருத்தமற்றதாக இருக்கும் எனவும் கனடிய அரசாங்கம் கூறியது.
திங்களன்று மதியம் 12 மணிக்கு இந்தப் பாலம் போக்குவரத்துக்குத் திறக்கப்படும் என எதிர்பார்க்கப்படுகிறது.
இந்த நிலையில் திங்களன்று பாலம் திறக்கப்படும் என நம்பினாலும், தான் எச்சரிக்கையுடன் இருப்பதாக Dwight Duncan கூறினார்.
