பிரதமர் Mark Carney, எதிர்க்கட்சி தலைவர் Pierre Poilievre இந்த வாரம் சந்திப்பார்கள் என எதிர்பார்க்கப்படுகிறது.
நாடாளுமன்றத்தின் புதிய அமர்வு நடைபெற்று வரும் நிலையில், பிரதமரும் எதிர்க்கட்சி தலைவரும் இந்த வாரம் சந்திப்பார்கள் என எதிர்பார்க்கப்படுகிறது.
“பிரதமருடன் ஒரு அவசர சந்திப்பை” தான் எதிர்பார்க்கிறேன் என திங்கட்கிழமை (02) பிற்பகல் வெளியிடப்பட்ட ஒரு காணொளியில் Pierre Poilievre கூறினார்.
January மாத இறுதியில் பிரதமருக்கு ஒரு திறந்த கடிதம் எழுதிய பின்னர், Pierre Poilievre முன்னெடுக்கும் சமீபத்திய முயற்சியாக இந்த காணொளி அமைகிறது.
இந்த சந்திப்புக்கான நேரம் இன்னும் முடிவு செய்யப்படவில்லை என தெரிவிக்கும் எதிர்க்கட்சித் தலைவரின் அலுவலகம், அது இந்த வாரம் நடைபெறும் என்ற நம்பிக்கை உள்ளதாக கூறியது.
எதிர்க்கட்சித் தலைவர்களை சந்தித்து அவர்களின் முன்னுரிமைகள் குறித்து விவாதிக்க பிரதமர் ஆர்வமுடன் இருப்பதாக பிரதமர் அலுவலகம் திங்கட்கிழமை ஒரு அறிக்கையில் தெரிவித்தது.
இந்த சந்திப்புக்காக பிரதமர் கடந்த வாரம் எதிர்க்கட்சித் தலைவர்களை அணுக ஆரம்பித்திருந்தார் என மூத்த அரசாங்க அதிகாரி ஒருவர் கூறினார்.
கடந்த வாரம் பிரதமர் இடைக்கால NDP தலைவர் Don Davies-சை சந்தித்ததாகவும், இந்த வாரம் Conservative கட்சித் தலைவரை சந்திப்பார் என கூறப்படுகிறது.
