சிறுமி ஒருவரை பாலியல் ரீதியாக துன்புறுத்தியதாக குற்றம் சாட்டப்பட்ட Toronto காவல்துறை அதிகாரி மீது SIU குற்றச்சாட்டு பதிவு செய்துள்ளது.
கடந்த ஆண்டு ஒரு சிறுமியை பாலியல் ரீதியாக துன்புறுத்தியதாக கூறப்படும் சம்பவம் தொடர்பாக, Toronto காவல்துறை அதிகாரி ஒருவர் மீது ஆறு குற்றச்சாட்டுகள் சுமத்தப்பட்டுள்ளன.
வியாழக்கிழமை (04) காலை Toronto காவல்துறை தலைமையகத்தில் கைது செய்யப்பட்ட காவல்துறை அதிகாரி Parsa Hazeri மீது சிறப்பு புலனாய்வுப் பிரிவு (SIU) குற்றச்சாட்டுகளை பதிவு செய்தது.
Parsa Hazeri ஒரு இளம் பெண்ணுக்கு எதிரான குற்றச் செயல்களை செய்துள்ளார் என நம்புவதற்கு நியாயமான காரணங்கள் இருப்பதாக SIU வியாழனன்று வெளியிட்ட ஒரு செய்திக் குறிப்பில் தெரிவித்துள்ளது.
இந்த குற்றங்கள் 2025 September முதல் December வரையிலான காலகட்டத்தில் நிகழ்ந்ததாக SIU தெரிவித்துள்ளது.
இந்த விசாரணை தற்போது நீதிமன்றத்தில் இருப்பதால், மேலதிக விவரங்களை வெளியிடப் போவதில்லை என SIU தெரிவித்துள்ளது.
July 17 அன்று Toronto நீதிமன்றத்தில் முன்னிலையாக வேண்டும் என்பது உட்பட நிபந்தனைகளின் அடிப்படையில் Parsa Hazeri விடுதலை செய்யப்பட்டுள்ளார்.
January 2026-ல் Toronto காவல்துறைக்கு அந்தப் புகார் குறித்து தெரியவந்தபோது, அதை உடனடியாக சிறப்பு புலனாய்வுப் பிரிவுக்கு (SIU) தெரிவிக்கப்பட்டதாக தெரிவிக்கப்படுகிறது.
அதே நாளில், சமூகப் பாதுகாப்பு, காவல் சட்டத்தின் படி அவர் பணியிடை நீக்கம் செய்யப்பட்டார்.
அவர் மீது குற்றச்சாட்டுகள் சுமத்தப்பட்டதாக காவல்துறையினர் உறுதிப்படுத்தினர்.
அவரை பணியில் இருந்து நீக்குவதற்கான நடவடிக்கைகளை ஆரம்பித்து, ஊதியமில்லா இடைநீக்க அறிவிப்பை வெளியிட Toronto காவல்துறைத் தலைவர் Myron Demkiw நகர்வுகளை ஆரம்பித்துள்ளார்.
Toronto காவல்துறையின் தகவல் படி, Parsa Hazeri மூன்று ஆண்டுகளாக காவல்துறை அதிகாரியாக பணியாற்றி வருவதாகவும் அவர் காவல்துறையின் 33-வது பிரிவில் நியமிக்கப்பட்டிருந்தார் எனவும் தெரியவருகிறது.
