கனடிய பொருளாதார மந்த நிலைக்குள் சரிந்துள்ளது என கனடிய புள்ளி விபரத் திணைக்களம் தெரிவித்தது.
கனடாவின் பொருளாதாரம், ஆண்டின் முதல் காலாண்டில் ஆண்டு அடிப்படையில் சுருங்கியுள்ளது.
முதல் காலாண்டில் பொருளாதாரம் தேக்கமடைந்த நிலையில் இந்த அறிவித்தலை புள்ளி விபரத் திணைக்களம் வெள்ளிக்கிழமை (29) வெளியிட்டது.
முதல் காலாண்டில் மொத்த உள்நாட்டு உற்பத்தி, ஆண்டு விகிதத்தில் 0.1 சதவீதம் சரிந்தது.
முதல் காலாண்டில் பொருளாதார வளர்ச்சி தேக்கமடைந்ததன் விளைவாக, மொத்த உள்நாட்டு உற்பத்தியில் தொடர்ச்சியாக இரண்டாவது முறையாக சரிவு ஏற்பட்டுள்ளதாக புள்ளி விபரத் திணைக்களம் தெரிவித்துள்ளது.
இது தொழில்நுட்ப மந்த நிலைக்கான சில வரையறைகளுக்கு பொருந்தினாலும், புள்ளிவிபரத் திணைக்களத்தின் வெள்ளிக்கிழமை அறிக்கை பொருளாதாரம் குறித்து ஒரு கலவையான நிலையை வெளிப்படுத்தியது.
செலவின அடிப்படையிலான மொத்த உள்நாட்டு உற்பத்தி, காலாண்டுக்கு காலாண்டு அடிப்படையில் பெரிய மாற்றமின்றி இருந்தது என புள்ளி விபரத் திணைக்களம் தெரிவித்துள்ளது.
கனடிய மத்திய வங்கி நடத்திய கருத்துக் கணிப்பில், ஆய்வாளர்கள் முதல் காலாண்டின் வளர்ச்சி ஆண்டு விகிதத்தில் 1.5 சதவீதம் என்ற வலுவான அளவில் இருக்கும் என கணித்திருந்தனர்.
2020-ஆம் ஆண்டில் பெருந்தொற்று ஆரம்பித்தபோது கனடா இறுதியாக தொழில்நுட்ப பொருளாதார மந்தநிலையை சந்தித்தது.
அதற்கு முன்னர் 2015-ஆம் ஆண்டின் ஆரம்பத்தில் ஏற்பட்ட எண்ணெய் நெருக்கடியின் போது அது போன்ற நிலை தோன்றியது குறிப்பிடத்தக்கது.
