அமெரிக்காவிலிருந்து கனடாவிற்கு திரும்பும் பயணிகள் எண்ணிக்கை மீண்டும் சரிவடைந்துள்ளது.
January மாதத்தில், அமெரிக்காவிலிருந்து கனடியக் குடிமக்கள் மேற்கொண்ட இருவழிப் பயணங்களின் எண்ணிக்கை 20 சதவீதத்திற்கும் மேலாகக் குறைந்துள்ளது.
திங்கட்கிழமை (24) வெளியான கனடிய புள்ளிவிபரத் திணைக்களத்தின் தரவுகள் இந்த சரிவை பதிவு செய்துள்ளது.
அமெரிக்க ஜனாதிபதி Donald Trump-பின் இரண்டாவது பதவி காலம் ஆரம்பித்து ஓராண்டு நிறைவடைந்த நிலையில் இந்தத் தரவுகள் வெளியாகின.
January 2026-ல், கனடியக் குடிமக்கள் அமெரிக்காவிற்கு 21 லட்சம் இருவழிப் பயணங்களை முன்னெடுத்தனர்.
2025 -ஆம் ஆண்டின் இதே மாதத்துடன் ஒப்பிடுகையில் இது 22 சதவிகிதம் குறைவை குறிக்கிறது.
மேலும் இது, தொடர்ச்சியாக 13வது மாதமாக ஆண்டுக்காண்டு சரிவையும் குறிக்கிறது.
இதற்கு மாறாக, 2026-ஆம் ஆண்டின் முதல் மாதத்தில், வெளிநாடுகளில் இருந்து கனடாவில் வசிக்கும் குடிமக்களின் பயணங்களின் எண்ணிக்கை, முந்தைய ஆண்டுடன் ஒப்பிடுகையில் 10.6 சதவீதம் அதிகரித்துள்ளது.
கனடாவுக்கும் அமெரிக்காவுக்கும் இடையிலான அரசியல் பதட்டங்களுக்கு மத்தியில் 2025-ஆம் ஆண்டின் ஆரம்பத்தில் இருந்து கனடிய குடியிருப்பாளர்களின் பயணப் போக்குகளும் மாற்றமடைந்ததை புள்ளி விபரத் திணைக்களம் தனது அறிக்கையில் குறிப்பிட்டது.
