காணாமல் போனதாக தேடப்பட்டு வந்த 14 வயதான Toronto இளம் சிறுமி பாதுகாப்பாக மீட்கப்பட்டார்.
சுமார் இரண்டு வாரங்களுக்கு முன்னர் காணாமல் போனதை தொடர்ந்து தீவிர தேடுதலுக்கு உள்ளான 14 வயது சிறுமி பாதுகாப்பாக மீட்கப்பட்டுள்ளார்.
Etobicoke நகரில் உள்ள ஒரு இல்லத்தில் வியாழக்கிழமை (28) பிற்பகல் 1 மணி அளவில் இவர் கண்டுபிடிக்கப்பட்டதாக Toronto காவல்துறை தெரிவித்தது.
May 16 அன்று நள்ளிரவுக்கு பின்னர் North York நகரில் அடையாளம் காணப்பட்ட பின்னர் அவர் காணாமல் போனதாக முறையிடப்பட்டது.
இந்த சிறுமியைத் தேடுவதற்காக முதல் நிலை காவல்துறை தேடுதல் நடவடிக்கை மேற்கொள்ளப்பட்டது.
இவரது பாதுகாப்பு குறித்து தாங்கள் கவலை கொண்டுள்ளதாக காவல்துறை முன்னதாக தெரிவித்திருந்தது.
இந்த சம்பவம் குறித்த விசாரணை தொடரும் நிலையில் இதில் எவரும் குற்றச்சாட்டுகளை இதுவரை எதிர்கொள்ளவில்லை.
இவர் காணாமல் போன சம்பவத்துடன் தொடர்புடைய குற்றச் செயலுக்கான ஆதாரம் ஏதேனும் உள்ளதா என்பது குறித்து காவல்துறையினரின் விசாரணை தொடர்கிறது.
