தேசிய பாதுகாப்பு விசாரணை ஒன்றின் ஒரு பகுதியாக, Quebec மாகாணத்தை சேர்ந்த ஒருவர் கைது செய்யப்பட்டுள்ளார்.
40 வயதான Ali Ben Chaoua என்பவரை RCMP கைது செய்துள்ளது.
இஸ்லாமிய அரசுக்கு ஆதரவாக TikTok தளத்தில் ஏராளமான பதிவுகளை வெளியிட்டதாக ஒரு அறிக்கையில் RCMP கூறியது.
இவர் பயங்கரவாதக் குற்றச் செயல்களில் ஈடுபடக்கூடும் என்று அஞ்சுவதற்கு அதிகாரிகளுக்கு நியாயமான காரணங்கள் இருந்தன என அந்த அறிக்கை தெரிவிக்கிறது.
இவருக்கு எதிரான இதுவரை எந்தக் குற்றச்சாட்டும் சுமத்தப்படவில்லை என்பது இங்கு குறிப்பிடத்தக்கது.
அவர் வியாழக்கிழமை (21) Quebec நகர நீதிமன்றத்தில் முன்னிலைப்படுத்தப்படவுள்ளார்.
விசாரணை தொடர்ந்து நடைபெற்று வருவதாகவும், பின்னர் குற்றச்சாட்டுகள் சுமத்தப்படலாம் என RCMP தெரிவித்துள்ளது.
புதன்கிழமை (20) காலை, RCMP Quebec நகரப் பிரிவைச் சேர்ந்த அதிகாரிகளால் அவர் கைது செய்யப்பட்டார்.
RCMP தேசிய பாதுகாப்பு தகவல் வலையமைப்பு மூலம் அளிக்கப்பட்ட ஒரு தகவலின் அடிப்படையில், 2025 March மாதம் இந்த விசாரணை ஆரம்பிக்கப்பட்டது.
ISIS அமைப்புக்கு ஆதரவு தெரிவித்து Ali Ben Chaoua ஏராளமான பதிவுகளை TikTok தளத்தில் வெளியிட்டதாக புலனாய்வாளர்கள் கூறுகின்றனர்.
