இந்தியாவை சேர்ந்த மாணவி St. Catharines நகரில் கொள்ளை முயற்சி ஒன்றின் போது கொலை செய்யப்பட்டார்.
இவரது சடலத்தை மீட்ட காவல்துறையினர் அவரை அடையாளம் கண்டுள்ளனர்.
இந்த மாத ஆரம்பத்தில் சடலமாகக் கண்டெடுக்கப்பட்ட 23 வயதுப் பெண்ணின் அடையாளத்தை, Niagara பிராந்தியத்தின் கொலை புலனாய்வு அதிகாரிகள் தற்போது உறுதிப்படுத்தியுள்ளனர்.
இந்தியாவின் குஜராத்தில் இருந்து கனடாவுக்கு புலம்பெயர்ந்து கல்வி கற்றுவந்த Vidhi Kalpeshkumar Megha பலியானவர் என அடையாளம் காணப்பட்டார்.
நான்கு ஆண்டுகளாக கனடாவில் வசித்து, பணி அனுமதி பெற தயாராகிக் கொண்டிருந்த அவர், தனது வீட்டிலிருந்து வெளியேறும் போது கூர்மையான கத்தியால் தாக்கப்பட்டதாக தெரியவருகிறது.
இவரது மரணத்திற்கான காரணத்தை காவல்துறை வெளியிடவில்லை.
இதில் St. Catharines நகரைச் சேர்ந்த 40 வயதான Joshua St. Omer மீது இரண்டாம் நிலை கொலைக் குற்றச்சாட்டு பதிவு செய்யப்பட்டுள்ளதை புலனாய்வாளர்கள் முன்னர் உறுதிப்படுத்தினர்.
