கனடாவை சிறந்த நாடாக மாற்றுவதில் Alberta ‘மையமாக’ இருக்க வேண்டும் என பிரதமர் Mark Carney கூறினார்.
Alberta கனடாவிலிருந்து வெளியேற வேண்டுமா என்பது குறித்த பொது வாக்கெடுப்பு அறிவிக்கப்பட்ட நிலையில் இந்தக் கருத்தை அவர் வெள்ளிக்கிழமை (22) முன்வைத்தார்.
கனடாவில் நீடிப்பதா, இல்லையா என்பது குறித்து Alberta பொது வாக்கெடுப்பு ஒன்றை October 19-ஆம் திகதி நடத்த உள்ளது.
இந்த நிலையில் கனடாவின் வளர்ச்சியில் Alberta மையத்தில் இருப்பது “அத்தியாவசியம்” என பிரதமர் கூறினார்.
கனடா உலகின் மிகச் சிறந்த நாடு என குறிப்பிட்ட Mark Carney, அது இன்னும் சிறப்பாக இருக்க முடியும் எனவும் அதைச் சிறப்பாக மாற்றுவதற்கான பணிகளில் நாங்கள் Alberta மாகாணத்துடன் இணைந்து பணியாற்றி வருகிறோம் எனவும் தெரிவித்தார்.
Alberta மாகாணத்தை கனடாவுடன் இணைத்து வைத்திருக்கும் பிரசாரத்தை முன்னெடுக்க உள்ளதாக Conservative கட்சித் தலைவர் Pierre Poilievre தெரிவித்துள்ளார்.
Alberta கனடாவுடன் இணைந்திருப்பதை தான் ஆதரிப்பதாக அந்த மாகாண முதல்வர் Danielle Smith கூறியிருப்பது இங்கு குறிப்பிடத்தக்கது.
