Toronto பெரும்பாகத்தில் உள்ள புதிய வீட்டுச் சந்தை புத்துயிர் பெறுவதற்கான அறிகுறிகள் தோன்றியுள்ளன.
2025-இல் பதிவான வரலாறு காணாத வீழ்ச்சியை தொடர்ந்து புதிய வீடுகளின் விற்பனை அதிகரிக்கிறது.
Toronto பெரும்பாகத்தில் 2026 March மாதத்தில் 948 புதிய வீடுகள் விற்பனையானதாக கட்டுமானத் தொழில், நில மேம்பாட்டுச் சங்கம் (Building Industry and Land Development Association-BILD) தெரிவித்துள்ளது.
இது March 2025-இல் விற்பனையான 439 புதிய வீடுகளில் இருந்து கணிசமான அதிகரிப்பாகும்.
ஆனாலும் இது 10 ஆண்டு சராசரியை விட 64 சதவீதம் குறைவாக உள்ளது என அந்த அமைப்பு குறிப்பிடுகிறது.
இந்த நிலையில் April 1 முதல் புதிய வீடுகள் கொள்வனவிற்கான HST வரியை இரத்து செய்யும் அரசாங்கத்தின் புதிய திட்டம், வீடு விற்பனையை அதிகரிக்கும் என BILD நம்பிக்கை தெரிவித்தது.
“இந்த உத்வேகம், நாம் மந்த நிலையில் இருந்து வெளியேறி வருகிறோம் என்பதற்கான ஒரு நேர்மறையான அறிகுறியாகும்,” என BILD நிறுவனத்தின் தலைமைச் செயல்பாட்டு அதிகாரி Justin Sherwood தெரிவித்தார்.
