Doug Ford அரசாங்கத்தின் வசந்தகால வரவு செலவுத் திட்டம் நிறைவேற்றப்பட்டது.
$244.2 பில்லியன்மதிப்பிலான நிதிநிலை அறிக்கை March மாத இறுதியில் தாக்கல் செய்யப்பட்டது.
இதில் மாகாண முதல்வரும் அவரது அமைச்சர்களும் தங்களது அலுவலக பதிவுகள் அனைத்தையும் இரகசியமாக வைத்திருக்க அனுமதிக்கும் பல நடவடிக்கைகள் அடங்கியுள்ளன.
இந்த வரவு செலவுத் திட்டம் 57-க்கு 33 என்ற வாக்கு வித்தியாசத்தில் வியாழக்கிழமை நிறைவேறியது.
இந்த வசந்தகால நிதிநிலை அறிக்கை, தகவல் அறியும் உரிமைச் சட்டங்களையும் பின்னோக்கிச் செல்லும் வகையில் மாற்றுகிறது.
இதன் மூலம் இனி வரும் காலத்தில் Ontario மாகாண முதல்வர் Doug Ford தனது கைபேசி பதிவுகளை வெளியிடுமாறு பிறப்பிக்கப்பட்ட நீதிமன்ற உத்தரவுக்கு கட்டுப்பட வேண்டிய அவசியமில்லை என்பது குறிப்பிடத்தக்கது.
Doug Ford அரசாங்கம் தனது பெரும்பான்மையை பயன்படுத்தி, இந்த சட்டமூல வாக்கெடுப்பை விரைவுபடுத்தி, பொது விசாரணைகளை தவிர்த்தது.
சட்டமன்றத்தில் வாக்குகள் எண்ணப்பட்ட போது, பார்வையாளர் மாடத்தில் இருந்த பொதுமக்கள் குறித்த சட்டத்திற்கு எதிர்ப்பு தெரிவிக்கும் வகையில் முழக்கமிட்டனர்.
முதல்வரின் தொலைபேசி பதிவுகளை பெறுவது தொடர்பான நீதிமன்ற வழக்கில் ஏற்பட்ட தோல்வியைத் தொடர்ந்து, தகவல் அறியும் உரிமைச் சட்ட மாற்றங்கள் கடந்த March மாதம் அறிவிக்கப்பட்டன.
