பெண் வெறுப்பு குழுக்களைக் குறிவைத்து YouTube குறிச்சொல்லை (tag) பயன்படுத்தியதற்காக Conservative கட்சி தலைவர் கண்டனங்களை எதிர்கொள்கிறார்.
தீவிர வலதுசாரி பெண் வெறுப்பு இணைய குழுக்களை ஈர்க்க Pierre Poilievre தனது YouTube பதிவுகளை பயன்படுத்துவதாக கண்டனம் தெரிவிக்கப்படுகிறது.
பிரதமர் Justin Trudeauவும் Liberal நாடாளுமன்ற உறுப்பினர்களும் இந்த கண்டனத்தை முன்வைத்துள்ளனர்.
வியாழக்கிழமை (06) நாடாளுமன்ற அமர்வின் போது இந்த விடயம் குறித்து அவர்கள் கருத்து தெரிவித்தனர்.
Conservative தலைவர் தனது சொந்த அரசியல் ஆதாயத்திற்காக இந்த நகர்வை எடுத்துள்ளதாக பிரதமர் Trudeau தெரிவித்தார்.
இந்த விடயம் குறித்து Poilievre கேள்விகளை எதிர்கொண்டு பதிலளிக்க வேண்டும் என Trudeau வலியுறுத்தினார்
Conservative தலைவர் இந்த விடயத்திற்கு பொறுப்பேற்று மன்னிப்பு கோர வேண்டும் என பிரதமர் நாடாளுமன்றத்தில் அழைப்பு விடுத்தார்.
இந்த விடயம் தனது கவனத்திற்கு வந்தவுடன் அதனை சரிசெய்ததாக பிரதமரின் வலியுறுத்தலுக்கு பதிலளிக்கும் வகையில் Poilievre உறுதிப்படுத்தினார்.
அனைத்து வகையான பெண் வெறுப்பையும் கண்டிப்பதாகவும், தனது தவறுக்கு பொறுப்பேற்பதாகவும் Poilievre கூறினார்.
