Toronto பெரும்பாகத்திற்கு சிறப்பு வானிலை எச்சரிக்கை விடுக்கப்பட்டுள்ளது.
சனிக்கிழமை (04) எதிர்பார்க்கப்படும் கனமழையை முன்னிட்டு, Toronto பெரும்பாகத்திற்கு இந்த சிறப்பு வானிலை எச்சரிக்கை விடுக்கப்பட்டுள்ளது.
சனியன்று 25 முதல் 50 millimetres வரை மழை பெய்யக்கூடும் என கனடிய சுற்றுச்சூழல் துறை தெரிவித்துள்ளது.
சனி மாலை, இரவு ஆகிய நேரங்களில் மிகக் கனமழை பெய்யும் எனவும், இடியுடன் கூடிய மழையின் போது சில இடங்களில் மழையின் அளவு அதிகரிக்க வாய்ப்புள்ளது எனவும் சுற்றுச்சூழல் துறை தனது எச்சரிக்கையில் தெரிவித்துள்ளது.
ஆனாலும் அதிகபட்ச மழைப்பொழிவு எங்கு நிகழும் என்பதில் இன்னும் சில நிச்சயமற்ற தன்மை நிலவுகின்றது.
