Woodbine வணிக வளாகத்தில் நடந்த துப்பாக்கிச் சூட்டில் 37 வயதான ஆண் ஒருவர் பலியானார்.
Rexdale Boulevard and Highway 27 சந்திப்புக்கு அருகாமையில் சனிக்கிழமை (07) பிற்பகல் இந்த துப்பாக்கிச் சூட்டுச் சம்பவம் நிகழ்ந்தது.
இதில் பலியானவர் 37 வயதான Brampton.நகரை சேர்ந்த சாந்த குமார் ராஜா நந்தகுமார் என் Toronto காவல்துறையினர் அடையாளம் கண்டுள்ளனர்.
சம்பவ இடத்தை சென்றடைந்த காவல்துறையினர் துப்பாக்கிச் சூட்டுக் காயங்களுடன் ஒரு நபரை மீட்டதாகவும், உயிருக்கு ஆபத்தான காயங்களுடன் மருத்துவமனைக்கு கொண்டு செல்லப்பட்ட அவர் சிகிச்சை பலனின்றி மரணமடைந்தவும் காவல்துறையினர் தெரிவித்தனர்.
இந்தச் துப்பாக்கிச் சூடு குறித்த விபரங்கள் வெளியாகாத போதிலும், இது ஒரு இலக்கு வைக்கப்பட்ட சம்பவம் என தாங்கள் நம்புவதாக காவல்துறையினர் தெரிவித்தனர்.
இந்த சம்பவத்தைத் தொடர்ந்து ஒரு சந்தேக நபர் அல்லது சந்தேக நபர்கள் வாகனத்தில் தப்பிச் சென்றதாகவும் காவல்துறையினர் கூறினர்
இந்தச் சம்பவம் குறித்த தகவல் அறிந்தவர்கள் தம்மை தொடர்பு கொள்ளுமாறு காவல்துறையின் கேட்டுக் கொண்டனர்.
