2025-ஆம் ஆண்டுக்கான Sunshine பட்டியலில் 4 லட்சத்திற்கும் மேற்பட்டோர் இடம்பெற்றுள்ளனர்.
இது கடந்த ஆண்டை விட இந்தப் பட்டியலின் அளவில் ஏழு சதவிகித அதிகரிப்பைக் குறிக்கிறது.
2025-ஆம் ஆண்டில் $100,000-க்கும் அதிகமாக ஊதியம் பெற்ற அனைத்து பொதுத்துறை ஊழியர்களின் பட்டியலை Ontario அரசாங்கம் கடந்த வாரம் வெளியிட்டது.
Ontario Power Generation தலைவர் Ken Hartwick, 2025-ஆம் ஆண்டில் $1,907,408 ஊதியம் பெற்று, மீண்டும் ஒருமுறை Ontario-வின் அதிக ஊதியம் பெறும் அரசு ஊழியராக திகழ்ந்தார்.
Ontario Power Generation தலைமை நிர்வாக அதிகாரி Nicolle Butcher, 2025-ல் $1,596,218 சம்பளம் ஈட்டி, இந்தப் பட்டியலில் இரண்டாம் இடத்தில் இருந்தார்.
அதே நேரத்தில், Ontario Power Generation தலைமை அணுசக்தி அதிகாரி Steve Gregoris, $1,092,854.84 பெற்று மூன்றாவது இடத்தைப் பிடித்தார்.
Ontario-வில் அதிக ஊதியம் பெறும் ஐந்து அரசு ஊழியர்களும், முதல் 10 இடங்களில் உள்ள ஏழு பேரும் Ontario Power Generation நிறுவனத்தின் ஊழியர்களாக இருந்தனர்.
இந்தப் பட்டியலில் உள்ள ஏனைய குறிப்பிடத்தக்க பெயர்களில் Ontario முதல்வர் Doug Ford ($269,567), Toronto நகர முதல்வர் Olivia Chow ($240,349), Toronto காவல்துறை தலைவர் Myron Demkiw ($445,366.) ஆகியோரும் அடங்குவர்.
TTC தலைமை நிர்வாக அதிகாரி Mandeep Lali, ஆண்டின் நடுப்பகுதியில் July 7 அன்று மட்டுமே பதவியேற்ற போதிலும், 2025-ஆம் ஆண்டுக்கான சம்பளமாக $288,461.25 பெற்றார்.
இந்த ஆண்டு பட்டியலில் Toronto காவல்துறையை சேர்ந்த 7,083 உறுப்பினர்கள் இடம்பெற்றுள்ளனர்.
இது 2024-இல் இருந்த 6,114 என்ற எண்ணிக்கையை விட அதிகமாகும்.
தமிழரான Peel பிராந்திய காவல்துறை தலைவர் நிஷான் துரையப்பா, 2025 -இல் $604,449 ஊதியம் பெற்றிருந்தார்.
