British Colombia மாகாண Conservative கட்சி சட்டமன்ற உறுப்பினர் கட்சியின் குழுவில் இருந்து நீக்கப்பட்டார்.
கடுமையான குற்றவியல் குற்றச்சாட்டுக்கள் காரணமாக Hon Chan கட்சியின் குழுவில் இருந்து நீக்கப்பட்டார்.
British Colombia மாகாண அதிகாரப்பூர்வ எதிர்க் கட்சியின் இடைக்காலத் தலைவர் Trevor Halford வியாழக்கிழமை (26) இந்த அறிவித்தலை வெளியிட்டார்.
குடும்ப வன்முறை குற்றச்சாட்டுகள் தொடர்பாக “கடுமையான குற்றவியல் வழக்குகளை” எதிர்கொண்டுள்ள Hon Chan, கட்சியின் குழுவில் இருந்து நீக்கப்பட்டுள்ளார்.
Richmond மத்திய சட்டமன்ற உறுப்பினர் Hon Chan மீதான குற்றச்சாட்டுகள் குறித்து புதன்கிழமை (25) தனக்குத் தெரிவிக்கப்பட்டதாக Trevor Halford கூறினார்.
இதற்கு முன்னர், இந்த விவகாரம் குறித்தோ அல்லது அது தொடர்பான சம்பவங்கள் குறித்தோ கட்சி குழுவிற்கும் கட்சிக்கும் எந்தத் தகவலும் தெரிந்திருக்கவில்லை எனவும் அவர் ஒரு அறிக்கையில் தெரிவித்தார்.
இந்தக் குற்றச்செயல்கள் Hon Chan முதல் முறையாகத் மாகாணசபைக்கு தேர்ந்தெடுக்கப்படுவதற்கு 10 மாதங்களுக்கு முன்பாக, 2024 January 12 அன்று Richmond நகரில் நிகழ்ந்ததாக தெரிவிக்கப்படுகிறது.
இந்த நிலையில் Hon Chan சட்டமன்றத்திலிருந்து உடனடியாக பதவி விலக வேண்டும் என கோரிக்கை விடுக்கப்பட்டுள்ளது.
ஆளும் கட்சியின் நாடாளுமன்றக் குழுவின் சார்பாக, British Colombia NDP சட்டமன்ற உறுப்பினர் Grace Lore ஒரு அறிக்கையில் இந்த கோரிக்கையை வெளியிட்டார்.
இவருக்கு எதிரான குற்றச்சாட்டுகள் நீதிமன்றத்தில் நிருபிக்கப்படவில்லை என்பது குறிப்பிடத்தக்கது.
