கனடாவின் தேசிய ஒற்றுமையையும் சுதந்திரத்தையும் பாதுகாக்க கட்சிகள் ஒன்றிணைந்து செயல்பட வேண்டும் என Stephen Harper வலியுறுத்தினார்.
முன்னாள் பிரதமர் Stephen Harper-ரின் அதிகாரப்பூர்வ உருவப்படம் தலைநகர் Ottawa-வில் திறந்து வைக்கப்பட்டது.
Stephen Harper தலைமையிலான முதலாவது Conservative அரசாங்கத்தின் 20-வது ஆண்டு நிறைவை முன்னிட்டு, செவ்வாய்கிழமை (03) அவரது அதிகாரப்பூர்வ உருவப்படம் நாடாளுமன்றத்தில் திறந்து வைக்கப்பட்டது.
அமைச்சர்கள், பிரதமர்கள், தற்போதைய, முன்னாள் நாடாளுமன்ற உறுப்பினர்கள், ஏனைய பிரமுகர்கள் மத்தியில் அங்கு உரையாற்றிய Stephen Harper கட்சிகள் ஒன்றிணைந்து செயல்பட வேண்டியதன் அவசியத்தை வலியுறுத்தினார்.
இன்றைய ஆபத்தான காலகட்டத்தில், இரு கட்சிகளும், அவற்றின் பிற வேறுபாடுகள் எதுவாக இருந்தாலும், நமது சுதந்திரத்தை அச்சுறுத்தும் வெளிப்புற சக்திகளுக்கு எதிராகவும், நமது ஒற்றுமையை அச்சுறுத்தும் உள்நாட்டுக் கொள்கைகளுக்கு எதிராகவும் ஒன்றிணைவது அவசியம் எனவும் அவர் கூறினார்.
Stephen Harper-ரின் உருவப்படத்தை திறந்து வைப்பது ஒரு மரியாதையாகும் என செவ்வாய்க்கிழமை கேள்வி நேரத்தின் போது பிரதமர் Mark Carney கூறினார்.
தேசிய ஒற்றுமையின் முக்கியத்துவம் குறித்த Stephen Harper-ரின் தொலைநோக்குப் பார்வையை தானும் பகிர்ந்து கொள்வதாகவும் Mark Carney குறிப்பிட்டார்.
2006-ஆம் ஆண்டின் February மாதம் பிரதமராக Stephen Harper பதவியேற்றார்.
Justin Trudeau தலைமையிலான Liberal கடசியால் தோற்கடிக்கப்படும் November 2015 வரை அவர் பிரதமராக பணியாற்றினார் என்பது குறிப்பிடத்தக்கது.
